جوز تراب

راكض ورانا نهار المجاعه

وداب القلب والروح ملتاعه

التحديف لما جاب النا المقت

قرفو العقارب من عيار الوقت

ووقفو تا معهم توقف الساعه

من الدرب بيقول الفنا حيدو

الاخات لازم يبلشو يزيدو

ها اليوم شوفو راح عا الفاضي

ومنشان انو يصير بالماضي

مبارح رجع تا ياخدو بايدو

قلت لدكنجي شوَّي سايرني

وشي التفاته بالسعر عرني

نحنا عا وجه الكاينه اغراب

الله بني ادم بجوز تراب

وكفتا انت باطون خبرِّني

بنتفة قناعه الروح داويها

وكلمة زياده بدَّك انسيها

ما زال صاير لا صدى ولا صوت

وما زال بدُّو يشتريك الموت

بيع الدني شو معلقَّك فيها

رسالة الى السماء من سيدني

أيها الغسان العظيم الى الخلود انت ذاهب في كل قلب من القلوب تنبض ذكراك بصمات وجودك على وجنة التاريخ الشعراء والأدباء يبكونك والأوراق والأقلام والمنابر.

يا صاحب «نهار الوطن» راسي حني

وقت اللي قالو رحت عا تاني دني

اللي بيعرفو الله دخيلو بيعرفوك

العملو الك لجنه تا حتى يكرَّموك

نسيو ما قالو «مين هنِّي» بها الدني

تا نقشعك عن قرب ما طَّل الامل

ومن حيث معنا الحظ ما بعمرو اكتمل

مفروض انو نضرب لذكرك سلام

ومفروض انو يندعو صحاب القلام

وقيمه الك فوق المنابر تنعمل

«غسان» متلك بعد ما شاف الورق

حرف الهجا عا باب تفكيرك طرق

نحنا بعصر الما الو دين ويقين

من زمان كانو يكرَّمو بالاربعين

وكفتا بهاك الوقت عا الماشي مرق

اسمحلي تا قلك والحقيقه مطرقه

يا رايح من «الهون» عا دنيا البقا

متلك ما عنا انت رب المعجزات

وليله متل ليله ما عنا بالحياة

ونهار متل نهار مش رح يلتقى

الى روح أخي العزيز عزيز

صارو يا خيي همومنا سربه

وخيط الشقا عا خدودنا حيَّك

جابوك حتى تروح عا التربه

متحمم بدمعة شِعر خيَّك

رحت عْلَى «ملبورن» وهجرت قربي

وهلق لأنو نقلت من حيَّك

رايح من الغربه عَلَى غربه

فيها الك اصحاب ومحبِّين

وابنك «روبير» وامك وبيَّك

لما عا سيدني وصلت الاخبار

شك الحزن بقلوبنا سهامو

يوم النهايه ما الو دبار

ساعة ما بدُّو بيكسر صيامو

ما في حدا مَّنا ما عقلو طار

وقال الزفت من لون ايامو

زوَّار جينا عا الدني زوَّار

ما في حدا بيمشي عا وجه الارض

الا بيكون الموت قدَّامو

وبالرغم انك بطَّلت تمشي

دربك كنت عم كنسِّ برمشي

ولما المرض عا صحتك قرب

ما عدت لا تاكل ولا تشرب

وضليَّت تضعف تا صرت كمشه

وهربت وعود النافخه صدرا

وصار الزمن بمشاكلك ادرى

ولما قلت والراس عم تحني

دخلك يا رب الكون سامحني

شدَّت بايدك مريم العدرا

بالبال رح بتضل دايم دوم

الغبره ما شافت خلقة كفوفك

لهوني اجو تا يودعوك القوم

وتا تشوفهم ما ساقبو ظروفك

ومن جهتي مش رح بوجه لوم

عا الما اجا تا يرد معروفك

بيجوز وقتو ما سمحلو اليوم

لما العزيمه من السما بتوصال

بتاني دني رح يرجع يشوفك

موت وحياة

يا عازمين العقل عا خواتو

الكاس اجمعو بجمهور مازاتو

صرلن زمان جروحنا يئنو

وما في فرح قدم تحياتو

حاجي شرايع بالدني تسنو

خلو العمر ياخد علاماتو

لازم لجو المعرفة تحنو

ويا بو الزلف ما تضيع هيهاتو

نحنا بزمن عم ينهرب منو

ما يسلمو ولا يوم دياتو

بيبين على الذوق لكنو

مابيقدر يقوم بمهماتو

حاجي بقا عا الطاير تجنو

هاتو وعي من عندكم هاتو

وقولو الآبانا واعرفو انو

متل الي عاشو قبلنا منعيش

ومنموت متل القبلنا ماتو

خاطري مجروح

طار الوحي وانشَّل جبروتو
وما في شعر يتعمَّرو بيوتو
وبطَّل عبير الشاعريه يفوح
ويعرض بصحن الأوف بسكوتو

ماشي عا همي وخاطري مجروح
وما في حرف بيطلِّع بقوتو
وما في امل بالجو عم بيلوح
تا يواجه القدوُّس تالوتو

بالسر بديِّ الاهتمام يبوح
ويعرض عَلىَ الاسماع لاهوتو
امرو عا قسمه وعا جمع مطروح
بسوء الفهم بيبيعنا كروتو

هليِّ لهم باب القلب مفتوح
يفوتو قبل ما اغلقو يفوتو
بكرا بعد ما الروح مني تروح
بدُّو زماني يقول بالاخات
مات العليه الناس بيموتو

زيارة آخر ايام

لــــمـــا عــــا ذكـــــرك فـــــاقـــت اللهفــــات

وشـــفـــــت الــــطريـــــق تــــحشـــــرِّت فيـــــــي

ضـــلّيـــــت خـــــزِّق صـــــوبـــــك مســــافـــــات

تــــــــا صـــــــارت الـــهـــمــــــه مســــتـــويـــــه

ووصـــلـــــت عـــــا بيتــــــك ربــــــع انـــســــان

والـــشِعــــــر كـــــــان لـــــوصفــــــك مشــــكِّــــل

لـــقـــيــــت الـــجـــمــــال مشـــنــــشـــل الالـــوان

وزر الــــــــورد بــــالــــزنــبـــــق مـــبـــكَّــــل

ومـــــــش بــــــس فتحــــــت قلبهـــــا وديــهـــا

الــنسمـــــه الـــطـــريـــــه الـــبعــــدهـــا هيـــــي

بــــالــــزهـــــر لمــــــا تفشكلـــــــو جــــريهـــــا

كـــــــــــرّ العـــطــــــر خيـــــطــــــان سحــــريـــه

وبـــالتينــــــة الـــتِـــكْـــيِــــتْ عـــلـــى الجيــران

وفيهـــــــا عِـــمِـــــد راكـــــب علَـــــى التــــانـــي

عــــصــــافيـــــر عـــــم بتكيّـــــــل الاغـــصــــان

وتفــــصِّــــــل علـــــــى قيــــاسهــــــا غنــــانـــــي

ومـــــن بعــــــد عجقــــــة شـــــو بكــــي وشو باك

تــــأمــــلتـــــك دقـــيـــقـــــه وشـــفـــت انــــــــــو

شــــعــــر البــــــي لـــــــون التبـــــــغ والتنبـــــاك

دخــــنـــــه قـــــويـــــه طــــالعـــــه مـــنــُّـــــــــو

لـــقيتــــــك عـــــا عتبــــــة اربعــــــه وسبعيـــن

ويـــــــوم الاخيــــــر مـــجـــــلـَّـــخ السَــــفـــــره

ومـــــا فـــــي سحــــر بعيونـــــك الحلـــويـــــن

وصـــــوتــــــك ضعـــيـــــف وخلـــقــتـــــك صـفره

ولـــقيــــت حــــالــــي مخـــوَّر مــــن الــــجــــوع

وبــتـــضــــايــــق مــــــن الاكـــــــل والـــمــــيــــي

وعـــنــــــي الـــحــــــلال مـــحــــرَّم وممنــــــوع

ومــبــيَّــــن الـــيــبـــيّــــــس بــــجــــريـــــــــــي

وبـــمــــأتـــــــم الـــفرحــــــه عــــا بـــاب البيـــــت

غـــطـــيـــــت عيـــنــــــيــــي بــــــايـــــديـــــــي

مـــــــا قــــــدرت قـــرِّب صـــوبــــك ومــا لقيـــــت

هـــمــــزة وصــــــل تــــــا تـــوصّلـــــــك لـــيــــي

مـــيــــــن قـــــال بيـــصيـــــر الجـــنـــون فــنــون

ومـــيـــــن قــــــال بــــدهـــــا تـــشـــــح عيـــنيكي

ومـــيـــــن قـــــال هـــيكــــي نــهــــايتـــــك بتكون

ومـــيـــــن قـــــــال انــــــو نهـــــايتــــي هيكــــي.

دعست عليي

قـــالـــــت يــــا "ملكــــي" قالبــــه مـــويّــــــــي

شــــو بــــاك مـــش عــــــم تلتفـــــت لـــيـــــي

حـــــوِّل تــــــا حتـــــى نحقـــــــق الغــــايــــــات

ونــــــاكــــل ســـــوى مـــــن لحمـــــة النيـــــــي

قلـــتــــلـــهــــا امـــــك بشـلـــــــش خـــــــــــوات

مـــــش هـــــون قــــالــــــت فـــــوت يـــا خيــــي

وقـــلتـــلـــهـــا بـــيِّــــك ابــــــــو الهـــمـــات

قــــالـــــــت لا تفـــــــزع بـــالشغــــــل بـــيــــــي

ولـــمـــــا الـــفـــــزع جـــــَّوات قـــلبـــــي مــــــات

جــــوعــــي نــــســـــي الـــتـــفـــــاح والحــــيـــه

وقـــلتلـــهـــــا لــــــك يـــــرحـــــم الامــــــــــوات

وعــــــا صـــــوبهــــــا مــــدّيــــت ايـــديـــــــي

وهــــونيـــــــك مـــن بعـــــد الاخـــــــد والهــــات

غـــــابـــــت الـــشمـــــس وطـــلـــعـــــت الفيـــــي

ورجْعــــــت الام ونــــشَّـــــفـــــــوا الــــدّمــــــات

وصــــــار الـــضـــغـــط تـســـعــــيـــــــن وشويــه

قـــلــــتــــلـــها يــلــــعــــن ابــــــــو الـــلــــــــذات

البتــقـــزقـــــز مـــــــن الـــــخـــــــوف عـــينيــــــي

هــــربينـــــــي دخـــــــــل ربـــــــــــك جـــــــــات

قــــلبـــــــي قطـــعــنـــــي ويـــبـــسّـــــو جــريـــي

روّج قـــــالتـــــلــــي وزادت الــــلـــــهـــــــفــــــات

وصـــــــارت لـــكـــــل مــــواجهـــــه تهـــيــــــي

غـــطــّيــــت حـــــالـــــي بشـــقـــفــــة المـــوكيـــت

مــــــا عــــرفــــت انـــــو الام قـــــــد تنيــــــــــن

ومـــــا عــــرفــــت نـــمـــــرة اجــــرها ميتيـــــــن

الا بـــعـــدمـــــــــا دعــــــســــــــت عــــــلـــيـــــي.

وينك

شروقي

وينـــك يـــا رب السمـــا يــا خالـــق الانســـان

بلبنـــات مــــات العــــدل والحبـــهــــم مـــاتــــو

بقلبــــو الخــــراب انتشــــر ردو متــــل مــا كان

ورد العبيــــر الهـــــرب مـــن درب نســمـــاتـــو

بلبنــــان حلــــو بقـــا يتـــجســــد الايـــمــــان

ولازم نهــــــار الفــــــرج تقـــــرب مســـافـــاتـــو

الـــمـــشــــوار صـــوبــو انعـرف ريحة حلم هربان

تفسيـــر اجمــــل حلــــم يــــا ربـــنــــا هــــاتـــو

الرجعــــــه مــــا الهــــا حـــدا صار الأمـــل حفيان

وحضــــرة عــــذاب النفــــس قـــدَّم تحيـــاتـــو

مشتــــاق شــــم الهــــوا لشــــم الهــــوا بلبنـــان

ومشتـــــاق كـــــاس العــــرق تـــا يشوف مــازاتو

يــــا رب حِّـــل العقــــد والحــــــق عـــالطليــــان

بيجـــــوز كُبـــــر العقـــــــل عـــا مفــرق خواتو

كلمــــا نظمنـــــا الـــوعــــي عـــم نكســــر الاوزان

الانســــان حبــُّـــو انسلـــــخ مـــن مسطرة ذاتـــو

تخميــــن صـــار الهمـــس مــــن لغـــة الطرشان

والحــــل لمـــا انعـــزم ضــــاعــــت مهمـــاتـــو

لبنـــــان قلبــــو انقــطـــــع وتــــهدَّم البنـــيـــان

كـــرمــــال عيــــن الدنــــي لا تشلحــو بالنــار

"لـــو كـــان هــــوي الصلــب ابنـــك عا خشباتو".

ممنوع التدخين

شروقي

الحـــلــوه اللـي صرلــــي سنــه وشــوي داريها

قـــالـــت تــا يـــوم السبـــت عالبيــت لاقيها

ولمـــا بســرعـــه وصلـــت وتــدوزنــو الاوتــار

غــنــَّيــت الهـــا، والـــي كتــــرت أغــانيهـــا

وشعـــر المعنــــى كـــرج عــا مطلـــع المشــوار

وقـــت اللــي قلـــت الدنـــــي بـــلا حب شو فيهــا

وطلعـــت قصيـــده بـــوزن يـــا بــاطــل وستـــار

مـــع كـــل سحبــــة غـــزل غـــزلــت قوافيهــــا

ونحنــــا وبهـــاك الـــدنـــي تلتيــــن عقلــــي طار

جـــات الهمـــوم الكنــــت بالسكــــت حـــاكيهـــا

مـــا شفــــت الا "الشحـــن" وقـــف قبـال الدار

والــــزوج صوبـــي ركـــض تــــا غــراض يعطيها

مـن الخـوف عنهـا بـــعدت شـــي ســت سبع شبار

وقعـــدت متـــل الأنــــا مـــش عـــم بحاكيهـــا

وطــــارت سيكــــارة "لـــوكــي" من سحبتين كبار

ودمعـــــة عيــــونــــي عـــرقــت تا قدرت هدِّيها

وبلـَّــــش يـــدق القلـــب وتبشلـــل الـــدبــــار

وروحــــي بروحـــــي صــــرت هونيك وصيهـــا

وفــــات الافنـــــدي وهجـــم هجمـــة بطل جبــــار

وقلـــلـــي ببيتـــي انـــا عـــم امنــــع التدخــيــن

هلـــي بإيــــدك يـــا "ملكــي" هـــلـــق اطفيها.

العين جيعانه

شروقي

مـــرقت علــــيي وقالتلي مرحبــا يــا جـــار

رقَّصــــت عيونـــي وقلــــــت شـــو اســــم جيراني

قالــت بيقـــولـــو الـــي ســـت الحســـن انـــوار

والام بنـــت الغـــرب والبــــي لبنــــــانـــــي

قرَبـــــت ليلهــــا وقلــــت عقلـــي براســي طار

مـــن هالجمــــال المـــا لو اول ولا تــــانــــي

قــامـــه رشيقـــه وخصـــــر مــا بيلزمو زنـــار

وزنــــود عــــاج وشعــــر اطــول مــن لسانـــي

ولمــــا قالتلــــي شو عنـــدك بالقلـــب اســـرار

نسَّــــم عــليــــي الهـــوى وقــدمـــت عنـــوانــي

كانــــت بوقتــــا المـــرا متغيبـــه مـــن الـــدار

والخمـــر غاشــــي الضحــــك جـــوَّات القنــاني

ولمــــا ابتدينـــا ســـوى نشـــرب "جونــي ولكار"

دوّر عـــا ايـــدو السكـــر اخـــر اسطــوانــــه

وعـــالبيــــت جـــات المـــرا من بعــد هالمشوار

وعِلٌقِـــت مشاكـــل لحـــد اليــــوم علـــقانــــي

جـــرَّبـــت اضحـــك قالتلـــي لــك الـــف فِــزَّار

ودقـــت ل خيـــهــا وقـــالتـلـــو اليـــوم عمراني

مـــا شفــــت الا وصـــل بيهـــب متـــل النـــار

وحــــامــــل بـــإيــدو عصــــا نــص السنـــديانه

مــا خفـت منـــو صــــرت ارجـــع لخلـــف وصـــار

يهجـــم عليـــي لقـــانـــي رجعـــــت خلفـــانــــي

ومــــا قــــدرت برهــــن بـــإني الفـــارس المغوار

سبحــــان الله مــــا فــــي انســــان هـــدَّانـــــي

وهـــونـــيـــك دار القتـــل والضـــرب يــــا ستـار

وقِلْبــــت تــــحـــتــو لأنـــو مـــــا بيلقــــانــــــي

وبـــلشــــت خبِّـــط بربُّــــــو وحــــارب الاقـــدار

تـــا تحـــت منــــو صُــــرت متـــــل البـذنجـــانه

حـــالـــه مـــا الهـــا دوا ومـــا في لهــــا دبــــار

وشفـــرة لســـانــــي مــــن الاعــــذار تـــلفانـــه

وقــــلال صــارو مـــا عـــادو المصلحيــن كتــار

والنفــــس اضعــــف مــــا يمكـــن والقلب خفـَّاق

والعيــــن تقبــــر صحـــابــا العيـــن جيعانــــه.

نبذة عن حياة الشاعر عصام ملكي

هو إبن الشمال، وُلِدَ بين ألحان جبال الأرز الشامخة وزقزقة العصافير وأصوات الطبيعة، فكان كلّ ما تقدّم في السن كبر لديه عشقه للشّعر وزاد شغفه في تأليف أجمل الأبيات، فهو صاحب إحساس مرهف وحس فنّي مميّز. وقد استطاع على مرّ السنين رغم غربته ومواجهته العديد من المصاعب، أن يحافظ على هذه الملكة التي وهبه إيّاها الله، وحاول قدر المستطاع أن ينمّيها حتى أعطت أجمل ثمار الشعر اللبنانيّ الأصيل في استراليا.

الشّاعر عصام ملكي من مواليد العام 1937 من بلدة بشمزّين الكورة في شمال لبنان. تلقّى علومه الأولى في مدرسة البلدة حيث ترعرع وكَبُرَ بين أحضانها حتى العام 1954 حين هاجر الى استراليا، وكان لا يزال في السابعة عشرة من عمره.

منذ وصوله الى استراليا عَمِلَ في وظائف متعدّدة، وأصبح في العام 1963 المدير الأعلى لمحلات "روبن آف سكاف" ليعمل بعدها في الصحافة المحليّة، حيث كان المدير المسؤول في صحيفة "صوت المغترب". كما أنَّهُ عمِل ايضاً كسمسار لبيع العقارات لفترة طويلة، قبل أن يتقاعد في أواخر العام 2005.

ومن أهم نشاطات السيّد عصام، العمل على إحياء أولى حفلات الشعر والطرب مع بعض من اصدقائه في منطقة "ردفرن" في العام 1955. وقد ساهم في حفلات زجل مع شعراء قادمين من لبنان، وترأس رابطة الزجل اللبناني لمدّة طويلة في سدني.

أصدر الشاعر عصام ملكي أوّل ديوان زجلي له في سدني في العام 1973 بعنوان "عذاب الحب". ومن ثم قام بإصدار عدَّة دواوين دفعة واحدة: "ألم وقلم"، "شقفة حجر"، "دمع ودم" وبعدها قام بإصدار:

• الديوان الملكي الجزء الأول في العام 1999

• الديوان الملكي الجزء الثاني في العام 2004

• الديوان الملكي الجزء الثالث في العام 2009.

* الديوان الملكي  الجزء الرابع في العام 2014

* شربل بعيني زينة الشعّار، ثلاث طبعات 2014 و2017 و2020

السيّد عصام متزوّج من السيّدة "يولندا حاوي" من بلدة أميون الكورة، هي سيّدة فاضلة وزوجة محبّة ومخلصة وقفت دائماً بجانب زوجها ودفعته لإكمال مسيرته نحو النجاح. رزقهما الله ثلاث بنات وهما اليوم جدّان لحفيدتين جميلتين.

أحبّ السيد عصام العيشة في استراليا وهو لن ينسى فضلها عليه فقد أغدقته بالأمان والفرص التي أتاحت له الوصول الى ما هو عليه، فاستطاع تأمين مستقبل واعد لعائلته.
فريال خوري موسى

شربل الشعر

لبنان أينك؟ والآمال تنهدمُ

أين الوفاق.. وفيك الجمع ينقسمُ؟

بالأمس كنت لأهل الفن أغنية

واليوم أنت صدى الألحان تحترمُ

أين الذين بهم تنشل أزمتنا؟

أين الذين بهم تُستفقد الهممُ؟

بيع الضمير، به الأسواق صاخبة

والصدق أقسم أن الصدق ينعدمُ

يا سالبين حقوق الشعب ويلكم

يوم العدالة بالمسلوب ينغرمُ

مات الضمير، ومات الكهل يا غضباً

فاق التصور ان العطف ينهزمُ

الجوع أطلق في الاجواء صرخته

والماء فيه جفاف الأرض ينصدمُ

إن ضجّ صوت له الآذان صاغية

واهتز شعب فقد يختارنا الصممُ

تدعو الأصالة لاستيعاب مرحلة

إن كان فينا جمال الخلق يرتسمُ

فالسلم قيل بهذا العصر مهزلة

لا يرغب السلم من بالشر يعتصمُ

ما ظلّ فينا من الايمان خردلة

فنحن صرنا بنحن اليوم ننتقمُ

ناديت شعبي وما للحب من أثر

يا ليت عمري بماذا الشعب يلتئمُ؟

قولوا لظالمنا: ما نحن مضحكة

حتى تضيع على أعتابنا القيمُ

بيت القصيد له الأوزان راضخة

والحبر جاء بما يحتاجه القلمُ

قال الأديب: "ذئاب الشعب" تنهشنا

والظرف ليس بهذا النهش ينسجمُ

بات الظلام لضوء الشمس مقتحماً

والوعد صار بخيط الوهم ينحزمُ

لبنان فيه عيون الناس شاخصة

والقصف مائدة والموت يلتهمُ

يا شربل الشعر.. كم أصدرت من كتبٍ

عن غفلة الشعب في أضواء من حكموا

أعطيتنا قمماً بالشعر نجهلها

حيّاك ربّي.. لك الأيّام تبتسمُ

أنت البعيني.. و"الأحباب" أعجبنا

علّ الكتاب به تستيقظُ الأممُ.