قاعد بحالي

رح جن وحياة المار تمورا

ويا ما بصلاتي مضجر ديورا

بخراج عمري من سنه ضليت

وانتي بمدري وين مقبوره

فيي ما بعرف ليش ما توصيت

صرت بعيون الناس اسطوره

بصف المحبه همتي شديت

وقدي حدا مش آخد صفوره

يا ما بقلبي من شقا عبيت

دمعي بحر والهم شختوره

يا ريت ما بتبقي حجر يا ريت

العيشه درب والعمر كسدوره

ناطر عجيبة حب ترشح زيت

ومطرح ما عملت صرختي جوره

قاعد بحالي وبعد ما فليت

وعم ساير الحيطان والصوره

قدك يا ماري ما حدا حبيت

روحي الك بالفعل مندوره

وانتي ما فيكي تقعدي بالبيت

عا طول بدك تعملي مشاوير

وشم الهوا بحروف مقصوره

كنا تلاته

هوني أنا وما تقطبو جروحي

وبعدو عا حالو بيعرج طموحي

هلي كنت غنيلها موال

لبستها فستان شغل البال

وقلتلها تا تروح من روحي

حسيت اني محنط برمسي

لا حاضري بعرف ولا امسي

قلت لاخوها بين اخد ورد

كنا تلاته وواحد مننعد

واليوم صرنا اربعه خمسه

ندمان اني بها الدني ندمان

بالشعر بيتي ما الو عنوان

وشالح نظر ما بقيت عم عوزو

البصبوص عا عيوني برم بوزو

وصارت حياتي كلها احزان

يمكن زماني صفر عاددني

وممنوع انو الحظ يسعدني

دمعي عا خدي قصتي شارح

لما عليي حول مبارح

جرب على النسيان ياخدني

فرد وقعه

يا وعد فيي منشغل بالي

ختيار وبكذب على حالي

ما في نظر متل الخلق بالعين

وعندي طرش موجود بالدينين

والضغط عم يلبس كعب عالي

ومش بس انو مشلفط لساني

بالعد صارو اربعه سناني

وبكل واحد اربع زواريب

لبعضن عا طول بيبعتو مكاتيب

ما في حدا عم يقشع التاني

بالحلم خاطبت الارض مره

وقت اللي صارت سمكتي حره

وقلتلها عم اوقع عليكي

وشوف البلا وانسم من هيكي

مالي قلب تا اطلع لبرا

ولو كنت فيي ما شفت انه

بالمختصر رح خبرك اني

فيكي ما بدي ازرع بساتين

عن طاولة عمري اكلتي سنين

ايمتين بدك تشبعي مني

مسرسب صرت من بعد كم وقعه

وصرت الدفا عم احسبو صقعه

لا تقطعيلي سيرة الانفاس

قالت انا عم مزمزك عاالكاس

تا اكلك ارجع فرد وقعه

يا انتي

سنيني حماتي ورحلتي كنه

والآخ عندي صارت مسنه

صفوف الحضانه بالهوى عم عيد

حلّك بقا عا الهاتف ترني

ما بريد هيكي انتهي ما بريد

ولو علم عليي كبر سني

صار الحكي منو حكي تنهيد

وكل الدموع تجسدو بني

عا صدرك ان جربت مدّ الإيد

منك لحالك بدك تعنِّي

وهم على همي بصير بدي زيد

وبالعمر تكبر حضرة الانه

متل الانا ما بقيت بالتأكيد

وبالمختصر رح خبرك اني

تغرّبت فيي من زمان بعيد

ولما رجعت من غربتي حسّيت

انو حياتي بتستحي مني

الشاعر

الشاعـر بعين الناس مــــــا بيبقى حِلو

ان مـــا كــان عندو بكلمتو معْمل حلو

بعين العنـايــــه لازم يشوف الأمُـــور

وعـــــا مواقفو أخــــلاق يدلـق بالدَلو.

ومفروض إنّو يكون فـي عندو شُعور

ويكـون صـــــــــــادق والمحبِّه منهَلو

ولازم ضمــيرو ينقرا بين السطــــور

كل مــــــــــا عُيون الفاحصين تقابَلو.

وفـــــــوق المنابر ينْسمى مشعال نور

يِضوي عــــا غيرو وكلمتو تِطلَع مَلو

ويزورِق المعنى عــا موجات البحور

والمعرِفه تـــحـــمـــــــل بِديْها مشعَلو.

ويقول: شوفو شو كتَب شاعــــر غَيور

بالموهبِه حلّق عــــــــــــا كون منجهَلو

والحكم عندو يكون عـــــادل والزهور

مـــــــــــا يقول عنها شوك للي بيسألو.

الشاعر جريمِه يكون عـــا شكل القبور

الخارج نعومِه والعضـــــــــــام بداخِلو

مــــــــن واجباتو للوعي يركّب جسور

هوّي خلِق تـــا يكون إحساس وضمير

يعني حـَـــيــــــــاة المنفقَه مَنها إلـــــو.

     

إلى روح الصديق الشاعر عقل سليمان مخايل

ـ1ـ

"عَيلة مْخايل" للوَفـــــــا عنــوان

واحد وواحِد بعرف مْــن زمــان

و"عَقل" الْـبَـرم بالقـُلـْب دُولابـــو

لا شكّ رَح إستفقد غْــيـــابــــــــو

لِيّي الشرَف أعرف "أبو سليمان".

ـ2ـ

كــــــــان التفاهم يَعْرف أْصولــو

و"لولو" إلــو كانت مــــــن اللولو

جَبلة لطافِــــــــــه وذوق ومْحبّــه

وحْــياة رُوحــــــــو الطيّبه ورَبّي

هالمتل "لُــولــو" قـْـلال بيقولو...

ـ3ـ

مـــا مات يـــــا شْبابو وبَناتو البَيّ

البيكون عندو مِية أخـــت وخَـــيّ

مش بَسّ هُوِّي عَقل هُوِّي عْـقــول

عـــن سطح بيت الشعر بقدِر قول:

بَــعــدو بـْقـلوب العارفينو حَـــــيّ.

ـ4ـ

يا الياس، يـا جان، ويا سايد عالَمو

مَجهول مَنّو... وحَــــقّ الله مْنفهَمو

ما سمعتْ إنّو يوم عا شخص اعتدى

وتقصير مِنّو بالصداقه مـــــــا بَــــدا

ما بْتلزمو كلمة "يــا خالقنا ارحمو".

ـ5ـ

تا عقل يرحَل مــــــا حدا مِنّا فـَـطَــن

بقلوبنا وبعيوننا هُـــــــــــوِّي قـَـطَــن

راح عْلى بَغتِه وكان شاعرنا الحبيب

بْقدِّم تـــَعـــــازي للقــريب وللغـريب

ولِقرايبينو هَــــون وبْـأرض الوطــن.

الى روح العزيزه ام عبدلله: اوليفيا بركات

كانت «اوليفيا» عاطفه عا حلهِّا

وانتو وانا كنا عا طول نجلهِّا

وجينا تا حتى نقول بلسان الضمير

الله معك يا صاحبة قلب الكبير

وما في حدا غير هيك فيه يقلهِّا

مش بس انو موسم الحزن ابتدا

وبالجاليه الاخات عم تعمل صدى

ومش بس انو الدمع عم يعمي البصر

كل واحد بالمفيد... المختصر

بيحس انو اليوم ميتِّلو حدا

ولادك «اوليفيا» ودَّعو العيش الهني

من السبت هني بالدموع وبالنهيد

من ها الدني البيروح عا تاني دني

بيكون فيه الرب عما يعتني

ان كان عندو متل «عبدلله» و «فريد»

قالو العيال بغيبتك يا دلَّنا

ومنقول نحنا ووضعنا بيقلِّنا

وهوني بيقولو عا اليمين وعا الشمال

اللي بيقربوكي بالسما منهم قلال

وعا الدرب نحنا لاحقينك كلّنا

بقدم تعازي لاهلك بلبنان

ولولادك بسدني وعيان بيان

صورتك بالبال بدها تضل

وذكرك بيبقى للوفا عنوان

الزمن الهارب

مادلِين

قالو: يـا مِلكي تفضَّـــــل تْسَلى

بْـهـا المطعـم البذَّوق مـتـْجــلَّى

موجــــود هَوني نخبة الحلوين

وبتشوف أجمل مـــــا خلق الله.

قلتلُّن: البطِّيــــــخ عــــا السكِّين

يعني مـــا بَدِّي بْنـــــات حيَّا الله

بَدِّي حَـــــلا وبَدِّي لـَطافِه ولِـين

وبَدِّي نَعم مـــــــا تـْشُوفها كَـلاَّ.

جابُــــو إلِــي اللي اسمها مادلِين

وصام الهَوى عا حْسابها وصلَّى

مش بَس هِيِّي أمّ زنــــــــد تخين

عـــــا وزن كيلو فْخادهـا تِسعين

وكِـــبر البطن عــــا تمّهـا دَلـَّـى.

                                               

بئس العروبة

أين الوفاق وأين الجدُّ 

والعملُ

والعمر يركض

والأيّام تنخجلُ؟

أسطورة السلمِ

ما زالت نتائجها

تشكو الصداعَ

وسيل الحقد ينهملُ

أين العروبة واستخدام قوّتها

والوعد أفلس

والموعود يحتفل؟

أضحت عروبتنا بالعار سمعتُها

في كل مُتَّجَهٍ

واستفحل الوجلُ

أين الصواريخ والأزْماتُ أزْمتُها

والبرُّ والبحر والأجواء تشتعلُ؟

بئس العروبة إن كانت مهمَّتها

بالصمت تقضي 

وسفك الدمِّ يُقتبَلُ...

بئس الكلام إذا كانت بلاغته

لا تعرف العمق 

والأفعال تنفعلُ...

فْلسطين تشكو 

وفي الآذان صرختُها

والقدس أصبح لا قدسٌ 

ولا رسُلُ.                                 

في حديث الشعر

على غيوم مائيَّة

يتزحلق المدى

وترانيم الصمت

تخترق مداميك الدهشة

في زمن لم يأتِ

ويلات حروب مدمِّرة

وعويل الذين ما وُلدوا

ولقمة العيش

تزحف على الأرصفة

والجوع يلاحقها

إلى أين؟

السماء تمطر

خرافات وأقاويل

وفي البحور الشعريَّة

تطلّ الأسماك

من نوافذ الأمواج

وخشبات المنابر

تصفِّق

للخطباء طويلاً.

في حديث الشعر

موسيقى داخليّة

يرقص على أنغامها

الصمت

وتهتف لها علامات الاستفهام.

وفي الجبال والأودية

حديث الأزمنة

يتموّج في أجواء ملبّدة

وجنون العقلاء

يشرح المعميات

والطلاسم.

ميِّت

ميِّت أنـــــا لا تقرّبُولــي الكـاس

يُونان رح يبْقى ببطن حُـــوتـــو

الإنسان لمَّا بيعلن الإفــــــــلاس

بتكون نِشْفتْ خلقة زْيـــوتــــــو.

ميِّت تا شُوف الحُبّ مَـدّ قـْـواس

وخلَّى الغرام ينام عـــــا تْخــوتو

وميِّت تا دُوق شفاف مـا بتِنباس

بمْنامها العاشق بصَـــــر قــُوتو.

وميِّت عــــــا جَــوّ مشبَّع بإيناس

بيطلِّع الشاعـــــــــر مــن سْكوتو

وميِّت عــا شعـر يخــدِّر الأنفاس

حْـروف الهِجا بيستأجــرو بْيوتو.

وميِّت تا شوف الذوق والإحساس

عـــــــــم يطْعم الجُوعان بَسْكُوتو

وميِّت عـا حالة كَيْف مَلـْهـا قْياس

عليها جـــمـــيــــع الناس بيفوتـو.

وميِّت تــــــا إقشع للسعاده أْساس

ويفرش عليها الدّين لاهُــــــــوتـو

وميِّت تــــا إقشع يـوم متل الناس

وما زال ميِّت كيف بـَدِّي مُـوت؟

كمْ ألف مَـــــــرَّه الناس بيموتـو؟