يــــــا ســـــت بهيـــــه بكـل حــريـــــــه
ذكــــــــــــرك معـي بيضـل يـوميـــــــه
طنـــــه عملـتي بـالـــــــدني ورنــــــــــــــه
وعنـدك مـن الاخـلاص كميـه
باحلى وصف عا طول متحني
بـــوزن الحـقـيـقـــه كـلــمتي وقيــــــــــــــه
فيــكـــي ببسـمه تسَّــفـري العـنـــــــــه
وتـا اقعـد على السكـت مـافيىي
عـــــا منـبـر التفـــــكـيـر عـــــم غــنــي
وقـــلــك بـــــــــلا تـربيـــــــح منـيـــــــــــــــــــه
وبــعــيـدهــا وبــزيـــــــــــــــــــــد وبــتــنــــــــي
يــــــــــا ريــت متـلـك عـنـدنــــا ميــه
مـــني مــن المـــا بــيــفــرحــــــو مـنـــــي
بشـــهـادة الـخــــــــدتــي بـــــــاهميـــــــــه
مـــلـــيــــــون مـــــــره بـقــــــــول تتــهــنــي
انــتــي بــهــيـــــــه والــبــهــا مــنـــــــــــك
يـــــــا ســـت دكتـــــوره ومحـاميـــــــــــــه
قصيدة للشاعر عصام ملكي القيت في الحفل الذي اقامه المطران بولس صليبا تكريما للمحامية د.بهية ابو حمد لمناسبة نيلها شهادة الدكتوراه. متمنين لها دوام النجاح والتالق.
هالســت بـهـيـه لـلـوفــا عنــوان
بارض الغريبه مشرفه لبــــنان
مش بس دكتــوره على التاكيـد
من كـل شاعـر حاملـه نيشـــان
تكريم سيدنــا مـا هـوي جديــد
معـروف انو فضلها طــوفــــان
الخيـــــرات الها كلنـا منـريــــد
ومنــو حكـي اول شـهر نيسـان
التكريم الها اليــوم متــل العيـد
وحلــت علينا بـركـــة الايمــان
بـالمطــرانيــه بقـولها وبعـيـــد
باسيادنا الهونـي ورجال الديـن
صـار الاكل عا الطاوله قربان
سركيس كرم بالفعل عنوان الكرم
حاضر وجودو انعدّ مش ماضي انصرَم
وصيِّة شو هوّي بالقلوب مسجّله
ومَنها بعيده يعيّطولو المحترَم
بيقدر بكلمه يحلّ أكبر مشكلِه
وها الموقع الممتاز بكلامو انغرَم
ابن الكرم والمعرفه قدرو عِلي
ولكلّ مصدر حقّ دولابو برَم
ولا شكّ مُرّ العيش بوجودو حِلي
ومن عطف الله ما بحياتو منحرَم
للصدق مرجع، للخطيّه قنبلِه
معروف إنّو كلّ ساعة ربّها
وبطلّتو منشوف يوسف بك كرم
بتحكي شعر والسكت مش مقبول
المنبر عا شكلك ما عرف أبطال
يمكن إلك حرف الهجا معمول
متلك ما في انسان جال وصال
ومعلوم منّو عالمك مجهول
بقلّك أنا وهيدا حكي يوصال
للجاهلينك يا ظريف الطول
رب الشعر عنك زمانك قال
عا كل منبر كنت إلنا تقول
للأبجديه بضل عم وخال
وعن كل كلمه بقولها مسؤول
شعرك يا هاشم كان عال العال
تا يزورك النسيان مش معقول
بقول بلساني وبلسان الحال
متلك ما شاف الشعر بزمانات
يا صديق الكل يا زغلول
مش من زمان تعرفت عا الشاعر المخضرم الاستاذ عصام ملكي، بعد ما كنت بالسابق ألتقي فيه بقصايدو المزيني صفحات الصحف، وأفرح بأسلوبو المستحب في معالجة القضايا يللي ما بيقدر يعالجها إلا اللي بيحملوا قلم ما بيشبه بشجاعتو إلا سيف الحق، وما بيعزف بحنينو إلا ترانيم المحبة.. أكتشفت فيه هاك العاشق للكلمة المتجددي البعيدي عن التصنع والتزلف واللي بتتناول الأمور بلوحات شعرية أنرسمت بأسلوب شفاف غير تقليدي.. وجدته هاك الأنسان المفعم بالأحاسيس الوطنية والانسانية والغرامية.. كلماتو بتنبع من أعالي قمم التواضع الانساني .. من صلب ثوروية الأحلام وسحرها تا تدخل القلب والعقل وتتبادل معن مصداقية العطاء الفكري وجماليات الروح.. فتحية محبة من القلب وشكر من صميم التقدير والاحترام للشاعر الصديق الاستاذ عصام ملكي مع تمنياتنا له بطول العمر والمزيد من العطاء الشعري المرموق..
غـاطـط عـذابي وطـايـر صـوابي
عـا الارض بـدِّي اكـتـب كـتــابـي
قـبـل الوقـت عـا قلبها رح فــوت
تــا يـنــخـلــط بـتـرابـهـا تـــرابـي
صـايـر حديثي بالـومـا وبسـكوت
وبـالـقُـلــب عــم بـيـدور دولابــي
مربَّى ما عندي يسـاير البسكوت
تـا اطـعـم الجـوعـان عـا حسابي
مـن هـون خمسه بالفعـل ممقوت
رح جــن رح اطــلـع مـن تـيـابي
يونـان مـا بيبقى ببطـن الحــوت
انكان الســؤال بيعـرف جـوابـي
عـنـدي اذا بـيـتـغسـلو بـمـازوت
صابــون بـعـطـيهـم مــن ركابي
بالبيـت رح ابقى تـا حـتى مـوت
مـا بحـب اني ازعــل الحـيـطـان
حـيـطـان بيتـي عَــز أصحابي.
يا جوقة المسرح بحريه
وصايا العشر زدتيهم وصيه
ويا الياس يا انطون يا همام
بلاكم ليالي الكيف مش هيي
كلما انطلبتو شرفونا قوام
بترّيحونا من البزاريه
انتو على صدر الحياة وسام
ومن عندكم درب الالوهيه
يا الف يخزي العين عزُّو دام
الفيكم زرع شخصيتو وفيي
منكم بيقولو طافح الالهام
وقال الحرف عا سلامتو ليي
بالبعد عنكم كل يوم صيام
وجوع السمع هزات ارضيه
طول الوقت عم تفشخو لقدَّام
علاماتكم ميه على ميه
الكذب سايد والسفاهه كوام
وبتنطفي الانوار ليليه
جيتو عا سدني تفَّسرو الاحلام
هل عم تجي عا البال يوميه
عباس ما بدكم ولا بسام
قطبين انتو كل ساعه بقول
بتغّيرو فصول الطبيعيه
يا جـورج مـلـكي ها الشعر بهْديـك
مْراية إنـتْ وبشَّــوف حـالـي فـيـك
مِـن فـرد عـيـلــــــــه تـنـيـنَّـا نـحنا
خـاطــر حــدا بـالـكـون مـا جْـرحنا
ربّ الخلـقـنا عـافــيـــه يـعـطـيــــك
ريتشــارد" كـلُّو عاطْـفـه وتَحْـنان"
وجان" عْلى شكلو محِبّ جنتلمان"
ودونــا" لبَســيمه طـالـعَــــه هِيِّي"
مـن عـنــــد الله جـاتــك هْــدِيِّـــــــه
وهـلّـــق إلـك بـتـزقِّـــف بـلـبـــنـان
مَـرهـون قـلـبـك لـلوفـا مـرهــــون
وعـا كـلّ بشـــمـزيـن فـيـك تْـمـون
ولادك تـلاتــه وكـلـهـم أحـبـــــــاب
روح الـقـــدس وكـمـــان ابـن وآب
حــتى صلـيـبـك بالـتـلاتـــه يـكــون
مـعـلــوم وبـقـلّـك عـلانــيِّــــــــــــه
تْنينـاتـنـا عـا فــرد عَـقـلـيِّـــــــــــه
بها السـنّ متلك ميــن بعْـدو ميــن؟
بْهمِّـه قويِّـه وصلت عا التسـعـيـن
انشــــــالله وراك بتشْــلح المِيِّـــــه
شروقي
قومي تا نسحب سوى النا الربيع اشتاق
جاني ببريد الصبح مكتوب ازهارو
النسمات لبسو العطر ومفسّحه الافاق
ودمعات فصل الشتي تحت الارض صارو
شوفي بضربة شمس كيف الفرنقل فاق
وسجل عا خدّو النحل تصميم مشوارو
والورد "صوب الهدا" بدقة قلب خفـّاق
استفقد عراوي النظر تا يبكل زرارو
الاصفر عا احمر لقي وصار الجمال "بواق"
تصفر تا عود الزمن تنشد اوتارو
وتا كل عاشق يجي ويقطف بواق بواق
ويجمع براحة فكر شردات افكارو
صرخة شعوري اسمعي حبي لكي عملاق
عا كل جرحة وتر وصلتلك خبارو
حامل شهادة وفا من مدرسة اخلاق
وكبّش بريحة فجر تا يفصّل نهارو
اليوم الطبيعه شعر عم تنظم على رواق
العصفور جاب الحرف عا راس منقارو
وحولك ربيع الوحي فرّخ من الاعماق
ولهفة بلاد السمع وقوافل العينين
غفو عا بيت الشعر تا يبّوسو حجارو
شروقي
وينك يا اخت القمر صار الدمع طوفان
هجرك بضرب الرمل ما عرفت اسبابو
بيتي بقوافي الشعر عا مفرق الاوزان
انما دق قلبك الو ما بينفتح بابو
طاير بقلب "الهوى" متل الصبي الجهلان
عا كل شلحة نظر عم يكتب كتابو
يا ما عا موج العطر بظروف كيف ما كان
طابع الوف القبل بشفاف مزرابو
عالصخر لما انبنى صار الصخر انسان
سجّل عا "وجه الحجر" لمسات اعجابو
وعالحيط صورة زمن متشلع بلبنان
كبّش بخيط الامل تا يرّقع تيابو
وعالسطح صابب وحي الاشكال والالوان
ابيات متل القطر بحروفهم دابو
وبالسقف اخ الوجع والقهر والحرمان
وبالارض حظي نكش تا يقبر شبابو
وداير مدار الشقا وغبرة حلم هربان
عا اللانهايه وصبر عايش عا اعصابو
جيبي الحكيم وتعي مني الفرح زعلان
ما ضل عندي دوا غير الخمر والكاس
يا دل قلبي احترق تا يشوف احبابو
صرنا عا آخر ما بقا ننفع
وساعة لقانا ما لها مرفع
يا رفاقنا بنادي بأعلى صوت
يا درّجو الزيجه يا مشو الموت
تا يصير فينا بعضنا نقشع
هيهات نرجع متل ما كنا
من دروبنا هربت اماكنا
ما في صداقه خدها بينباس
وكلما اتصل فينا حدا من الناس
بيكون بدو شي غرض منا
نحنا بهوّة كذبنا وقعنا
تحت الارض مش فوق موقعنا
منقول انو القرش النا روح
ووقت اللي نحنا من الدني منروح
ما في قرش عم ناخدو معنا
بدنا اللي راحوا قبلنا نتبع
بالموت النا متر المربع
الله بصقنا عا الارض تخمين
خلقنا تا حتى نضل جوعانين
كيف بدنا من الدني نشبع
بلادي بالكفر أكبر غنيّه
ومن الضربات صارت مستويه
كل ما شعبها يخسر رهانو
بصرخه بتقلب الايام فيي
الارز عا جبالنا ضيّع مكانو
وحب الذات عاملنا ضحيه
وهللي وجودنا عا الارض هانو
بيقولو سَجّلو مواقف قويّه
يا ريت كلامهم بالحق زانو
وعطيو متل ما بدها الرعيه
تا قمح الشعب يبعد عن زوانو
ضروري يكون عنا مرجعيه
بعض نوّاب بالأمر استهانو
ومشيو بالحيا خلف البقيه
بشراهه (زَيْد) عم يبلع لسانو
(وعمر) بمواقفو صفر على ميه
كل جدودنا بالأمس كانو
يقولو بلادنا إلنا هويّه
ما كان الدين يفرض عنفوانو
بس اليوم بتقول الصراحه
مرض لبنان اسمو الطائفيه
نحنا شعب إن كان مَنْكم عارفين
اخوان لدروز ونصارى ومسلمين
بلاد الغرب أديانها خمسه انسمو
وبالشرق عنا ألف رب وألف دين
