من كل وادي عصا

بينك وبيني وقعت الخلفه
ما بقيت لا دقدق ولا إلفي
رايح عا أرض مطلقه العنوان
وما برجع لعندك اذا ما كان
صدرك بيكبر بالعمر نتفه

صيفك هرب عا بلاد مجهوله
وأرضك من التفسيخ مخجوله
جايي شتي بخوات، يخزي العين
الغيمه بديها حامله سطلين
وبحملة السطلين مسطوله

يا عايشه جوّات عينيّي
ودّي الي من العاطفه شويّه
معلوم غيرك ما حدا حبّيت
عفارة أنا قدّام باب البيت
لا تقعدي ولا تدعسي عليّي

عا موطني الويلات مصبوبه
بس العلى ما بتحلقو صعوبه
باللون عمّر عالسما مداميك
وفوق الجبال الشامخه هونيك
حكاية زمن بالجوّ مكتوبه

حبي لكي بالواقع الحتمي
قابل حياكي ولبسو لتمه
بيضوي حياتي ساعة البيريد
وبينطفي انكان العذاب شديد
حامل بإيدو الضوّ والعتمه

بحالك عا حالك ليش منستفي؟
خلي الوعد مدماك عا كتفي
جايي لعندك عا بساط الريح
ان كان مش عم تفهميني مليح
اعطيني السمع تا ركلجو نتفه

كسدر يا صبر على المدى صوره
وصرّف حبق بوراق منتوره
وطعمي النظر ألوان عم تحكي
بلكي اذا صار الظرف ملكي
بضيّف هوى بخروق مقصوره

وهلي انا ولعتها فيّي
تا تضلّ فيّي تجنّ يوميّه
كلما النظر بخيالها تعمشق
بتعفّ  منو ريحة الزنبق
وبدوب بين خيالها وهيّي

قلي ضميري: الارض غنيها
عم تطعمك، أشعار طعميها
لا تقول: بدي ضلّ شدّ طلوع
بقلب السما بتخوّر من الجوع
ان كنت ما بتاكل هوا فيها

اوباما

بَرَك بالأرض مـــن مدّه "أوباما"

مشاكل هالدنـــي عنها تَعَامــــى

بضاعه من الحَكي معروف عَنّو

نفخ صَــدرو بعد مقتل "أُسامه".

واشنطــن غيبتو قالت تمنّو

بدّو يْروح لــــــــو مهمـا تسامى

وبعد مــــــــــا مواقفو عالم تبنّو

انكتب عنّو بصفحة بانورامــــا.

وأوبامـــــــا قدّهـــــا لا شكّ مَنّو

وبطل مـــــا انعد عا ذمّة دراما

إلـــــو مواويل مــــــا لازم يغنّو

انحسب بالطاولِـــه لعّيب دامـــا.

وبَزاري بينْسَمـــى بالـفـعـل بَنّو

"فرنسا" قال أصغر مـن "بناما"

مــــا فينا نقول: يـــــا عالم تهنّو

الأصيله مش عم بيمْسك لِجاما.

عطى أقوال مِنها الــنـــاس جنّو

إذا بْيترَسّم بـيـلـبـس بِيجـــامــــا

مِــنّــــو تقرْيَفو وكتار عَـــنّـــــو

مـــــا فينا نقول: يـــا بابا دخيلَك

ولا فينا نقول: دخْلينِك يــا ماما.

تهنئة الى البروفسيرة فاديا غصين

يا ريت عندي صوت تا غني

منّي من البيلحنو منّي

كلك دهب يا فاديا كلّك

وحقّ السما. وبعيد وبتنّي

"ست السنه" قالولنا محلّك

وبيتك بعين المجتمع جنّه

يا بروفسيره فاديا بقلّك

يا ام وديع الغاليه وجوزيت

مش بس مرّه ألف تتهني 
*******

صبر مجمّر

ناطر عا طلعة آخ احبابي
وقدام عينيي فكر متعوب
وحاطط سلام الايد بجيابي
وبالقشر عم آكل صبر ايوب

جربت خشن منبري برده
فيها صقيع يخفف الغليان
سقطو الحروف بصف شو بدي
وكسرو القوافي رقبة الاوزان

قلت لضميري بعد خود وهات
ما في خيال بلون يجمعنا
ببيت المعنى فسّخو الكلمات
ومش رح تهدي مويّ المعنى

من كاسة الحلوين بدي غب
وما في حدا بيصب عا علمي
وما بقول اني بالحياة بحب
ان كنت مش آخد هوى الكلمه

دقيقة عذابي خلفت سنتين
وصارت الدمعه مطعمه بني
وهلق انا رايح عا مدري لوين
وشاحط ورايي هل بقي مني

عطشان ليكي

اعطيني تا إشرب نفس اركيله
صارت ليالي الكيف دليله
وهوني انا خلف الزمن مشلوح
كم يوم ببقى هون عديلي

تا ضلّ هيكي دوب مش مسموح
بدقات قلبك مطرح احميلي
وغطي ببالي بالجسد والروح
وضلع البقي بالصدر هديلي

بصف الهوى صار الجمع مطروح
خيالك تا الغي الآخ وديلي
ملزق عا حالي بالضغط ما بروح
وعم انزل نزول بمواويلي

يبست شفافي الهجر مش مسموح
عطشان ليكي شفافك ارغيلي
من جمر انتي وبالبرد عم نوح
منك شي بصة نار خليلي

ان كان بدك تكسري المفتوح
ومش قابلي تتعلمي متيله
بقلك يا قلبي من قلب مجروح
بالحب كنو رح بتبقي هيك
من درب وجهي خلقتك شيلي

سوء التفاهم

جيتي عا بالي بقلب طوفة ذكريات
ومنشان اعرف شو عليي وشو لكي
من الموت قمت وصرت بقبش عالحياة
وعلقت حرف بحرف وفقست الحكي

إنتي وأنا ما منشرب مناكل دوا
والأرض قالت: صار لازم ترجعوا
سنين اللي بقيو للهوى مش للهواء
علينا بمزاد العمر لازم يوقعو

يا تقبريني فسّخ شفافي الحريق
اعطيني شي بوسه تكسر قزاز العطش
صرخة عذابي مشيت بجرحي الغميق
لما كلام الجوهري لسانو انقطش

بين الجبال السمر ممنوع المرور
وعا كل نظره معلمه بصمة ضجر
وسوء التفاهم من سنه واربع شهور
مفنجر عيونو وساحب عليي حجر

حبي لكي عا دقة القلب انطبع
من قمقم المجهول بالسحب اطلعي
وقفت جوعي وشهوتي بصف الشبع
تا تغيّري المودال وتجني معي

صرخة حبر

بصحن الربح عم آكل علوبه
وروحي عا تاني بلاد مطلوبه
ضيعّت ذاتي بين خود وهات
وعقرّب مصيري بساعة غروبي

يا معلقه لحالك ميداليات
حاجي بقا تتصيّدي عيوبي
عندي ببيت النار ضرب خوات
وشالح ورايي صبر أيوبي

لما بحالي إهتمامي مات
كبّ العمر عالأرض أسلوبي
وصرت السما ابعتلها سلامات
وهزّ المدى تا يجيب أعجوبه

شبّاك بيتك مسمر الدرفات
وفاتت عا قلب المرحبا صعوبه
وقبال حولك بصمة اللهفات
وصرخه بحبر الآخ مكتوبه

وهوني أنا بين الأنا والذات
عم ابحث مواضيع مشروبي
وكلما لعندي تحضر المازات
ويطلع عبالي إسكر من جديد
بشوفك بكاس الخمر مصبوبه

The poet Issam Melkey mourns the late Marcel Sarkis Baini

1
Dear Marcel, Abou Charbel
The likes of you are rare
Your family outweighs all values
And your children measure up to men.
2
Bou Charbel, your imminent departure
Is without doubt, unbearable
We all lamented and wept for you
When at sixty, you abandoned us,
A priceless gift ascending to heaven.
3
In life, we all experience
Good and bad times
One day we are happy,
The other, we grieve
We are merely ashes
Returning to the soil
When reluctantly we are removed
One memory remains, the time melody
And another is kept in our mind
As a reminder that once we were here.
4
In life, we traverse many phases
At times, things become meaningless
No need for us to hear the news
And to allow worries to run us down
Up above we have many relatives
God’s plan for us is to eventually join them.
5
I swear by Almighty God,
Stating that you are almost perfect!
You, dear folks, who read poetry,
Shout and let your voice be heard
Childhood, youth, old age and death
Are the seasons of which span our life!
6
When Marcel forsook his loved ones
The joy dissipated and grief reigned.
Laure, you lost your accompanying moon
Your tears have turned to cinder
And his children wept for him feverishly.
7
Charbel your son and family mourn you
They speak with an agonizing tongue
Claire and Natalie with flooding tears
Joseph and family, towards God raise
Their shouting and painful cries!
8
Antoine soaked his clothes with tears
And George’s eyes melt in their sockets
Joseph said: Our joys are buried
Losing their brother, the three said:
Our existence resembles his departure
and today is the day of our joy’s funeral.
9
Charbel Baini, the Charbel of expatriation
And Michael his brother with infinite love
When they cry, we all hurtfully react.
They are clothed with worries
and in spirit, we are all related.
10
Charbel your brother, at this age
He sets the example and practices it
Always practicing what he preaches,
And like you, he shows his true colour.
If at any time, he unintentionally offends
He is always quick to formally apologize.
11
Marcel, we madly weep and mourn you
we lost our mind, our eyes are flooded
We love you with an absolute passion
I am sure you’ll never be forgotten
I offer my sympathy to your family and say:
May God use this sorrow to redeem all of us.
12
Marcel, you are a title of decency
And to me, in goodness you excel
I offer my deepest sympathy to Mejdlaya
And condolences to Lebanon our homeland.
**
Translated by Elie Shaanin

من حفلات الماضي

هذه القصيدة بقلم الشاعر الكبير رئيس عصبة الزجل اللبناني في أستراليا، وأول من أصدر كتاباً فيها، بعد أن طبع منه آلاف النسخ في لبنان باسم "عذاب الحب" ولم تبقَ نسخة واحدة. انه سيد الشعر الارتجالي، وصاحب أربع مجلدات شعرية عدا الدواوين الصغيرة، يكتب الشعر الفصيح والعامي، ويبدع بجميع أنواع الشعر التي لا حصر لها، انه ابن بشمزين البار، الاستاذ عصام ملكي:

يـــا شـــعـار المعـــي قيمــــات قيمــــو
تــا غصــن المعرفــه يصــافح نســيمو
تــا اقعـــد عالســـكت مـــا عـــاد فيــي
الزمـــــان ترجَّـــل وطلَّــــق حريمـــو

انــــا اســــمي رســـول الشــــاعريه
جديــــدي بالشـــعر خـــاوى قـــديمو
بعطــــي الموهبــــه خلقــــه بهيـــــه
وتــا يشــفى جرحهــا بعمــل حكيمــو

الزجـــل تــا تصـــير ابيـــاتو غنيـــه
و تــا حتـــى كلمتـــو تطلـــع بريمــو
اخـــــدتو عـــا الســـماوات العليــــه
وتركتــــو يقعــــد بجنــــــة نعيمــــو

انــا انســــان مـــش متـــل البقيــــه
مـــن الالهــام عــم الحــق عظيمــو
اذا التفكيــــر عـــم يكتـــب وصــيه
 حيــــاتو بردهــــا وبعمـــل نــديمو

قـلت عـــا منبـري يــا ابــجــديــــه
الوحـي بـيـعدنــي مــوسى كـلـيمــو
بــدوني تـأكــدي مــيــه عــا مــيــه
مــا فـيــكــي تخلقــي ردة مــعـنّــى
اذا كـــل الــحــــروف بْـيستـقـيـمــو

ضارب حسابي

محتار شو بقلك بشعري اليوم
ماشي السكت عا هامش الكلمه
وحلمي انطفا بين السهر والنوم
من الموت دخلك فيقي حلمي

ضارب حسابي عالحرير بنام
وكلما انضربت بقول: من الله
وحامل بايدي مسبحة ايام
فيها زماني كان يتسلى

قلتي: ما بدك تشربي من الكاس
وانو كلامك طابعو جدي
لكن عا قولي وقول كل الناس
بدروة ما بدي واقفي بدي

كونك خمر وشفافك المازات
ومسجله بالبال جذابه،
جايي  بصحنك غمّس الشهوات
وحامل فراطة عمر بجيابي

مبارح خيالك طل يا الهام
وضليت غني تا ا نقطع لهتي
ومن كتر ما عليت بالالهام
جنة عدن حسبتها تحتي.

تحوزق الموّال

لما رجمني بصرختو زماني
شفت الدني آخات مليانه
والعمر راكض والسنين قلال
ويوم الفرج قاعد بالخزانه

ناديت حظي وقلت: بدي مجال
يدلي العرق عا سحبة لساني
لهفة عطش وتكون بنت حلال
تعبي القدح من ريق القناني

جربت غني للسهول جبال
وافرش عا هون وهون الواني
بطلوع اوفي تحوزق الموال
لما انقرا بالقلب فنجامي

لكن بعد ما صار فاضي البال
غيّر تيابو الوضع منشاني
وشديّت همه، وزلغطو الآمال
ونزلت عليي من الوحي عيانه

ولما الحرف بالفكر ربي عيال
وتزوجو الالحان اوزاني
قلي الشعر عا طوفة الرسمال:
ضب التياب وروح عا لبنان
صرّف سكوت الناس بغناني

ضايع بحالي

 سكران منها لغتي فصحى
وجوع النفس متوحّم على القوت
لا تسأليني: ليش ما بصحا؟
 ان جربت إصحا سكرتي بتموت

بشعري حرير الاطلسي ما بشوف
ومش عم بلاقي للوصل همزه
ضايع بحالي وشغل بالي صوف
وبيت القصيد ملبّسو كنزه

 ضجرو سنيني من القهر ضجرو
وتا يخلصو بدهن بقا الصرفي
من يوم ما خيالك قطش إجرو
جنيت وشلحت الدني خلفي

مبارح زعلتي وطافت الآلام
واسود غطس لبست مشاريعي
وهلق عا إيدي عم بربّي سلام
يعلم عا كفك خمس صابيعي

كونك مربى وعا الطلب معمول
ضلي بصحن البال موجوده
ولفي تبغ عمري بورقة بول
وخلي زماني يسوكر وجودي