قيقان

بسوق الشعر عم ينعقو القيقان
باعو كعك للاهل والجيران
وضايع بعرضو البيت وبطولو
وعا سطيحتو طق الحنك سهران

مش شعر هيدا شعر "جدّولو"
تمشيط بدو وفي معي برهان
بحيث الشعر ما بيعرفو اصولو
ببير الوزن عم يشلحو حجران

بدهم يصولو وبدهم يجولو
وهني بارض المعركه صيصان
المنهم بيحب يغيّر فصولو
فيها الغلاظه تعملو مصران

الهم عن لسان الوحي قولو
من كلامهم صار الحرف ضجران
ما في ولا طلعه بلا نزله
ولا عود بالدنيا بلا دخان