بعد القطيعه الما لها معنى
وقتلو رفاقو وطوفة الاحزان
جرفت دني والقهر شلعنا
معوض نظم للملتقى ديوان
ولما حروف القالها طبعنا
جات المنيّه من جهاز فلان
وجانا الخبر والعقل ضيعنا
ولما حروف القالها طبعنا
جات المنيّه من جهاز فلان
وجانا الخبر والعقل ضيعنا
بلبنان كنا كلنا اخوان
ومن ساعة العا بياض وقعنا
بعنا الكرامه بكمشة الرنان
وبالدم عدنا حقها دفعنا
ومن ساعة العا بياض وقعنا
بعنا الكرامه بكمشة الرنان
وبالدم عدنا حقها دفعنا
اشكال شفنا من الشقا والوان
لما ما عدنا لبعضنا قنعنا
وببلاد كانت زينة البلدان
رقعة خلاف زغير وسعنا
لما ما عدنا لبعضنا قنعنا
وببلاد كانت زينة البلدان
رقعة خلاف زغير وسعنا
تحت الارض صرنا لانو كان
وبعدو الحقد والشر مرجعنا
رح ياكلونا وياكلو لبنان
والصوم حاكم يوم مرفعنا
وبعدو الحقد والشر مرجعنا
رح ياكلونا وياكلو لبنان
والصوم حاكم يوم مرفعنا
يا اهدن الفيكي الشرف عنوان
منقلك واوراقنا قطعنا
من جيبتو بيتعلم الانسان
وهيدا متل مجدو اخد معنا
منقلك واوراقنا قطعنا
من جيبتو بيتعلم الانسان
وهيدا متل مجدو اخد معنا
وهلق بعدما استفرس العدوان
كرت العزيمه بلاش وزعنا
وقلنا الصلا عا حبة الزيوان
لما بصليبو القمح ركعنا
كرت العزيمه بلاش وزعنا
وقلنا الصلا عا حبة الزيوان
لما بصليبو القمح ركعنا
ويا رئيس الجبلتك وجدان
"بصف الخلاص" رفعت اصبعنا
بالروح معنا ضل تالميزان
يرجح بعدما الحل ودعنا
"بصف الخلاص" رفعت اصبعنا
بالروح معنا ضل تالميزان
يرجح بعدما الحل ودعنا
زرعنا باسمك خالص الايمان
ومنشان نحصد متل ما زرعنا
الانجيل بدنا يعانق القرآن
واحمد وحنا يرجعو احباب
ومنشان نحصد متل ما زرعنا
الانجيل بدنا يعانق القرآن
واحمد وحنا يرجعو احباب
يصلو بكنيستنا وبجامعنا
انتهينا اليوم مطرح ما ابتدينا
بعدما استشهد العوّض علينا
لانو موقف ولاد الافاعي
خلى الحل يزمط من يدينا
ما بدنا نعود للقصف الجماعي
احترقنا بالقنابل وانقلينا
وما جانا من الفضا انسان واعي
تا نقدر عالارض نشحط جرينا
معوض قال جايي مد باعي
لكبح الشر لا تقولو انتهينا
بكل الشعب طالب اجتماعي
الدني طوفان لكن ما انطفينا
معوض للقطيع انعد راعي
وبنور محبتو نحنا انهدينا
ولأنو كان للايمان داعي
كانت قد هالكون الجريمه
وسواد الليل عا فراقو ارتدينا
