بدنا السلام يعم موطننا
وما يضل عنا وضع يحزننا
وبدنا ظروف تودع الافلاس
وبدنا ما يبقى الجن ساكنا
وبدنا محبه صادقه واحساس
وبدنا بايدو الحق يعجننا
وبدنا لشمخة مستوانا اساس
وعا الرمل ما نبني مساكنا
وبدنا علينا يخيّم الايناس
وبدنا علينا يخيّم الايناس
وبالمجتمع نحفظ اماكنا
وبدنا حضور يدق كاس بكاس
وبدنا تا نرجع متل ما كنا
وبدنا اللي النا عم يدقو جراس
وبدنا اللي النا عم يدقو جراس
دقة قلب ما ياخدو منا
وبدنا فرح بالمتر ما بينقاس
وبدنا سنه ما يكون الها راس
تا نحط الها راس من عنا
