للكون عم قدم تقاريري
مساحة عذابي صارت كبيره
"سلمى" لأنو بتعشق التوفير
كلما بجيبي تحط إيد بصير
فسّد لساني بجيبة السيره
ساعه حبيبي ويوم يا سيدي
والكذب عندا موضتو جديده
طالع عا بالي قلّها برا
ولا يوم عندي تفشكلت مرّه
وبتقول إنو وقعت بإيدي
شاعر أنا وبالحب قانوني
والها قلت متل الخلق كوني
قالت هوانا مش خبر للكان
ومش حافظه اسمي لحد الآن
مبارح قالتلي نام يا عيوني
مش عم يروح الكاس عا الصافي
وما تحقّقو بالحب أهدافي
هيهات تنقش بالغزل هيهات
صرلي زمن عم ركلج البوسات
وما ساقبو عا شفافها شفافي
نحنا عا شكلو الرب صوّرنا
لكن ما فينا خاطرو جبرنا
للآخ صرنا بالحياة وقيد
ومن جنّتو عا الأرض سفّرنا
مفروض انو نحط ايد بإيد
وما نخلط الماضي بحاضرنا
عا كل غلطه منسحب بواريد
والمغفره من ربنا ـ امرنا ـ
الوقعو بخطيّه كتّرو التمجيد
وقالو بعين العالم زغرنا
وعند الصلا الكلمات بالتأكيد
نحنا بلا ما نعرف كفرنا
الانسان مش ألله ولا هوّي سيد
عند الغلط عا بعضنا صبرنا
المن دون خطيّه يقلّنا ويزيد
"النا الشرح" تا نقول حذّرنا
قدّامنا عا الدرب عام جديد
عنّو قبل ما يطل حاضرنا
صفّو القلوب بقلكم وبعيد
الجنه عليها مستحيل نفوت
انما خطيّة غيرنا غفرنا
