جابت كورونا وجع للفكر يوميّه
وإخدت بسيدني عا قول الناس جنسيّه
نهار اللي متل الخلق محسوب بصر بنام
واهلا ويا سهلا بتجي تربيح منيّه
ان سبيّت عا هالدني شي يوم ما بنلام
كل المشاكل اجت من عندها هيي
ما في خلاص لحدا صار الحكم اعدام
وكلمة ابانا الذي صارت ضروريّه
بالدمع من كم شهر بعمل الي حمام
ما في ولا دمعه بتجي مش تقلها وقيّه
البيقول عيشو حلو بيكون صفّ كلام
مش عم بيعطي الشرح نتفة أهميه
عبدتك عباده والك عم قول يا "إلهام"
ومنفوخ شلش الحيا والنار مطفيّه
ما كنت هلق إلك قلت وضربت سلام
لو ما حروف الهجا يتحشّرو فيي
