يــا ناس دقو بمجتمعنا جراس
بدنا لتراث بلادنا حرَّاس
في نثر من طق الحنك مسحوب
بدرب الحياة مضيَّع الاسلوب
وفي شِعر بيجيب الوجع للراس
بدنا لتراث بلادنا حرَّاس
في نثر من طق الحنك مسحوب
بدرب الحياة مضيَّع الاسلوب
وفي شِعر بيجيب الوجع للراس
ضربنا المتل "بوكسين" حتى نشوف
كنو "رصافي" وبالاسم "معروف"
ولما الأمل بالحل ودَّعنا
ضربنا الرمل تا نفهم المعنى
وقديش بدّو الرمل يلقى كفوف
كنو "رصافي" وبالاسم "معروف"
ولما الأمل بالحل ودَّعنا
ضربنا الرمل تا نفهم المعنى
وقديش بدّو الرمل يلقى كفوف
جيبو أبانا والذي وتابوت
بالقلب نص الشعر بدُّو يموت
بذمة ضمير الحي والوجدان
شعر العا وزن وقافيه "يونان"
وقلة ثقافة "ناس عنا" حوت
بالقلب نص الشعر بدُّو يموت
بذمة ضمير الحي والوجدان
شعر العا وزن وقافيه "يونان"
وقلة ثقافة "ناس عنا" حوت
المعنى انخزق من كترة التمغيط
خلو النقد يتسلَّح بشبِّيط
الساعات قالو وقالت الايام
في شِعر اسمو علامة استفهام
وفي شَعر جعدي لازمو تمشيط
خلو النقد يتسلَّح بشبِّيط
الساعات قالو وقالت الايام
في شِعر اسمو علامة استفهام
وفي شَعر جعدي لازمو تمشيط
قالوا اللي قالو بأغلب الأحيان
انو الما مشيو بقافيه واوزان
صارو على الصابيع ينعدّو
وعا الشعر هلي عم بيتعدّو
بلبنان: منهم مِنْتِفِخ لبنان
انو الما مشيو بقافيه واوزان
صارو على الصابيع ينعدّو
وعا الشعر هلي عم بيتعدّو
بلبنان: منهم مِنْتِفِخ لبنان
