هاك العزيمه.. عيوننا ندّو
وبالوهم كلما جيب بعواضي
من حاضري بنقل على الماضي
وبشلح إلو بوسات عا خدّو
مارد عا خشبة منبرو عرفتو
قبضتو ومن التفكير ما صرفتو
منها بعيده من جوار الآب
بصوتو الجهوري يقول يا أحباب
بعين العنايه حبكم شفتو
حرف الهجا من غيبتو بيشكي
ونحنا شو كان لبعضنا منحكي
رجال الفكر عا الارض معدودين
وقت البيدوب التلج عا صنين
بيكون عا إدوار عم يبكي
"إدوار" شاعر ما انعرف حدّو
وبالعاطفه ما في حدا قدّو
هلّي عيارو بالحياة تقيل
منعمل إلو بقلوبنا تماثيل
ولو قلّنا تماثيل ما بدّو
وجودو عطى أعمال مشهوره
كانت دوا لنفوس مقهوره
وكان الغزل يعطيه لون جديد
وصوت الحبيبه يسمع من بعيد
وياما عا إيدو حكيت الصوره
