اعطينا الصبر يا ربنا اعطينا
بلبنان نحنا قلوبنا نسينا
لا كهربا عندو ولا عندو موي
والخي عم بيصير ضد الخي
وتا نقول هوني خي ما فينا
نحنا جماعه ربنا عبدنا
وصوب المحبه الدرب عبّدنا
عليها الارض بتقول نحنا ضيوف
جينا على الغربه تا راحه نشوف
مشاكل ما بدنا و حرب ما بدنا
هموم وشقا عا كتافنا حملنا
والمستحيل بها الدني عملنا
والنا زمان نقول بالصرخات
كلمة حرب بتجبلنا الآخات
والسلم بيجيب الفرح النا
منـّا من ال بيكنفشو منا
لا فرق بين الاحمد وحنا
اعطونا بدايه ما لها نهايه
وعا الدرب ان شفتو الحرب جايي
قولو الو تا ينقلع عنا
