رح جن وحياة المار تمورا
ويا ما بصلاتي مضجر ديورا
بخراج عمري من سنه ضليت
وانتي بمدري وين مقبوره
فيي ما بعرف ليش ما توصيت
صرت بعيون الناس اسطوره
بصف المحبه همتي شديت
وقدي حدا مش آخد صفوره
يا ما بقلبي من شقا عبيت
دمعي بحر والهم شختوره
يا ريت ما بتبقي حجر يا ريت
العيشه درب والعمر كسدوره
ناطر عجيبة حب ترشح زيت
ومطرح ما عملت صرختي جوره
قاعد بحالي وبعد ما فليت
وعم ساير الحيطان والصوره
قدك يا ماري ما حدا حبيت
روحي الك بالفعل مندوره
وانتي ما فيكي تقعدي بالبيت
عا طول بدك تعملي مشاوير
وشم الهوا بحروف مقصوره
