قصة حفل وحرامها وحلالها
حضرة ابو وجهين من ابطالها
نعجه معك بيكون يوم ويوم ديب
شلوحو بيقول الموسم مغنالها
ويا مطالعين الشعر مَنّي عندليب
تا عرّف الكلمه على موّالها
الكلمه تا تبقى راقيه بدها طبيب
يعطي دوا ليمينها ولشمالها
بلبناننا المحبوب وحياة الصليب
قالوا النظافه طلّقت أعمالها
والصوت طالع بالفضا وما في مجيب
وما في ظروف تقلّها هنيّالها
طرقات كلاّ موسخه وهيدا معيب
الآخات فيها عم تربّي عيالها
قالوا بسيدني من بعيد ومن قريب
استحيو بقى ولمّوا الزباله يا بشر
هوني الزباله عم بتجمع حالها
