هلي شفت طرقاتها بعيده
حكيت معي عا قافيه جديده
وزلغط لقانا عا جسر ميفوق
لما قلت من هون لا تحيدي
تمنيّت لنو الدرب مش مطروق
تا كنت اعمل باللقا عيدي
ويكون حظي عا الظرف مدلوق
وبالحب ما غير تقاليدي
ومن كتر ما فيها كنت معجوق
طعميتها آخر زواويدي
وصار الحنان مرّقد ومرقوق
ومشيت بضاعة ايش بتريدي
ولما بجسمي توترت العروق
وجاب الصدى للصوت رديده
قالت بغنجه روق نتفه روق
مش هلق بتقطف عناقيدي
ووقت اللي قالت شم اصحا تدوق
صافحتها من بعد تنهيده
وقلتلها بدقة قلب محروق
بصف الحضانه سلامك وكسلان
بدي سلام يعلم بايدي
0 comments:
إرسال تعليق