شروقي
وينك يا لولو تعي شوقي لكي قناطير
وبيحب شم الهوا طقم البلخزانه
ولو قال ضيق الوقت لا تعملي مشاوير
شدي العزيمه وتعي تا تفل احزاني
انتي بشرعي حلم ما بيلزمو تفسير
عند الما خلى دمع بعيون القناني
مش بس كلك حلا فيكي العقل بيطير
وبيغط كلما تجي عا جو لبناني
خلفي شلحت الوهم والهم والتعتير
لما جمعنا الهوى وضيفت عنواني
بحبك لاني انا بلاكي ما بقدر صير
وتا صير غيري اعرفي بيشفتر زماني
لا تواخذيني اذا مني حصل تقصير
وما قدرت قلك شعر ما في الو تاني
مش عم بلاقي حرف يمشي مع التفكير
من كتر ما في شعر طالع على لساني
0 comments:
إرسال تعليق