الفرحه العملنا لها حسابات يا إخوان
بكانون قالت من التأجيل هربانه
الكاسات إلها ارفعو هيدا عرس لبنان
ممنوع يبقى الخمر قاعد بالقناني
"الغانم" حبيب الشعب ومهم ها الانسان
بهالحفل كيف السكت بيكون نسّاني
قنصل محامي وبطل عنا عظيم الشان
لو انكليزي انجبل بيضل لبناني
"وست البهيه" لها بالدكتره نيشان
وللشعر دعمه ولها بقلوبنا مكانه
الشعّار غنّو لها الأشكال والألوان
واليوم بدو الغنا يكون "بإسم تاني"
وحتى لباس الحرف ما يكون كيف ما كان
وخلي كلام الحلو يمرق على لساني
سحبت الحروف بعجل وجهين بالأوزان
وإلهم بدق القلب عم قدّم تهاني
2 comments:
الشكر الكبير للشاعر عصام ملكي على هذه الشروقية الجميلة لطالما عرفت فيك الإصالة والوفاء . اطال الله بعمرك
الشكر الجزيل ايضا للشاعر شربل بعيني على مساعدته الكريمة . ادامك الله فخرا للحرف ونورا للشعر
يسلم تمك يا استاذ عصام
إرسال تعليق