رمز الصداقه والوفا وصيت الحميد
دقيت حتى شوف كيفك ها السنه
روحك قالولي صارت بتاني دني
يا "بو هشام" "وأكرم" وبي "الوليد"
ما في حدا من آخرة عمرو نجي
ومش كل هم بيلتقالو معالجه
بصوت الخلقنا تسجلو وصايا العشر
نحنا بدنيا كلها مواسم بشر
بيروح منها موسم وغيرو بيجي
الداعي لأنو عالمك من عالمو
وبيناتنا بس اللي ألله محرّمو
ما انقال عنك غير محمود الصفات
البيكون عندو صيتك بقلب الحياة
ما في لزوم نقول ألله يرحمو
مينك انت لا تفتكرنا ناسيين
مطرح إلك بالقلب نحنا حاجزين
عا طول منا كنت تفهم بالوما
سلّم عا هل بيهوبرولك بالسما
وبالصف قلن هون نحنا واقفين
جوات قلبي الحزن عا فراقك قطن
تا تروح هلق ما حدا منا فطن
منها قليله تودع بوقت العياد
بقدّم تعازي لبنت عمك والولاد
ولقرايبينك هون وبأرض الوطن
0 comments:
إرسال تعليق