الصفحات

ننشر في هذا الموقع أشعار الشاعر الكبير عصام ملكي

بخلي القيامه تقوم

عا قلبي تفضلو يا رفاق فوتو
كلام الجوهري ودّع سكوتو
همي عا قدي والدمع مزراب
وتجنس الأوف ببطن حوتو

تا شوفكم ضارب بطرحي حساب
حتى حديثي ينجمع قوتو
لعندي تعو بجاه ألإبن والآب
بوزنو الشعر عم يشطف بيوتو

عابد مصيري الهم والسرساب
ويوم الفرح مجهول لاهوتو
بالقلب عندي بيبرم الدولاب
ومضيّع القدوس تالوتو

لا تقاطعوني من عدا أسباب
صبري مشي بجناز جبروتو
وهلّق لأنو الشوق حالو جاب
وصار الصبر بخراج تابوتو
الباب انفتح يا رفاق يا احباب
ولا تفزعو بخلي القيامه تقوم
عا شوفتي ان كان بتموتو

0 comments:

إرسال تعليق