شروقي
شامه بخد الدني وجنّه انعرف لبنان
اربع فصولو حلا وما في الو تاني
مفروض يرجع لنا مهفهف متل ما كان
ونكون نحنا الو ابره واسطوانه
الخي على خيو انقلب وفلان ضد فلان
وكلمن بيقلك "انا" مش انت لبناني
ومش بس دقنا البلا نص الشعب قرفان
والجرح ضب ونقل تا يصير جواني
كرمال الله اعرفو يا حباب يا اخوان
مش رح نخلّص وطن بالشد خلفاني
ما ضل عنا وفا وصرنا بلا ايمان
الاخلاق تحت الارض والجو مش هاني
بالامس كنا شعب اسمو عظيم الشان
وما كان يفرّق حدا ديانه عن ديانه
واليوم صار الصدق اول شهر نيسان
ودرب التفاهم حقد ونفاق مليانه
لبنان الله جبل بشقايق النعمان
وعاود عا راسو دلق الحان وغناني
اصلو فينيقي الوطن وبتشهد الازمان
بزتّ الهويه اذا بيصير ايراني
0 comments:
إرسال تعليق