دخلك يا ربي سهّل أموري
بدمع العيون تحمّم سروري
وطيّر صوابي ساعة اللي راح
من ها الدني ميشال فاخوري
وطاف الحزن عا كل "بيترومين"
وقالو الأبانا ونؤمن وآمين
وزعلو الأهالي وكل أصحابو
و"أميون" زعلت متل "بشمزين"
قرايب إلي وصاحب إلي من زمان
وما كان إلا للوفا عنوان
جبلة محبّه عند كل الناس
وما كان عندو تفرقة أديان
بقللو بشعري عواطفي طوفان
كلو شهامه كان ها الانسان
بقدّم تعازي لعيلتو بسدني
ولقرايبينو هون وبلبنان
**
0 comments:
إرسال تعليق