بلا جناح فينا نطير

شروقي

جروحي عا اخر رمق يا هند داويها

الكلمه اللي فيها شفا بالظرف ودّيها

صاير خلاص النفس من همها حزازير

الصفحه اللي فيها تعب ما قدرت اطويها

ها الكون رايح ردم وبلغة التعبير

عينك شي شلحة نظر عا حالتي اعطيها

يومين متل الخلق بدي على بكير

تا صير ارض الهنا اعرف اساميها

بالحب انتي وانا بلا جناح فينا نطير

دخلك صفوف القُبل عا السكت عيديها

لازم بشمة هوا نمشّي الهوى مشاوير

سنين اللي راحت هدر بحياتك انسيها

فيكي جمال الخلق قدّم الف تقرير

لاجلك بيوت الشعر بغزل قوافيها

وما زال عندك وفا وللموهبه تقدير

بخلي الصراحه الك تشرح معانيها

للشعر حبك اذا بدّو عباده يصير

بغيّر نظامو الك وبقول "اويها"

رح شيل حرف الهجا وجهين بالتفكير

وتلّت قصيدة غزل تا تسكري فيها

صرنا بلا ايمان

شروقي

شامه بخد الدني وجنّه انعرف لبنان

اربع فصولو حلا وما في الو تاني

مفروض يرجع لنا مهفهف متل ما كان

ونكون نحنا الو ابره واسطوانه

الخي على خيو انقلب وفلان ضد فلان

وكلمن بيقلك "انا" مش انت لبناني

ومش بس دقنا البلا نص الشعب قرفان

والجرح ضب ونقل تا يصير جواني

كرمال الله اعرفو يا حباب يا اخوان

مش رح نخلّص وطن بالشد خلفاني

ما ضل عنا وفا وصرنا بلا ايمان

الاخلاق تحت الارض والجو مش هاني

بالامس كنا شعب اسمو عظيم الشان

وما كان يفرّق حدا ديانه عن ديانه

واليوم صار الصدق اول شهر نيسان

ودرب التفاهم حقد ونفاق مليانه

لبنان الله جبل بشقايق النعمان

وعاود عا راسو دلق الحان وغناني

اصلو فينيقي الوطن وبتشهد الازمان

بزتّ الهويه اذا بيصير ايراني

يا ريت نوح بيجي

شروقي

لبنان راح وصعب يرجع متل ما كان

بيقول صار الوهم والهم عرّابي

الحل العا وجه الارض من خلقتي هربان

ومش عم يجيني ظرف تا غيّر تيابي

يا ريت نوح بيجي تا ندرّج الطوفان

ما زال زاد الكفر والجو ارهابي

من ها الجنون الحصل صار القلب مليان

ومش بس راسي اندوخ عايش عا اعصابي

تخمين عندي الحكي متقمّص الهذيان

وصرت عْلى اخ الوجع عم روح بترابي

بلّش خريفي يجي وصار الفرح دبلان

بها الكون يمكن انا خلقان بغيابي

ما قدرت لاقي طرق بتشوشح النسيان

حتى لعندي يجي وما فيق عا عذابي

وهمّات ما في بقا تا سفّر الاحزان

الهمه اللي كانت معي راحت مع شبابي

مليان راسي وجع والكيف مش سئلان

ولليوم بعدو الطفر مستأجر جيابي

ايمتين بدّي انا ارجع على لبنان

حامل بايدي عصا وعم اضرب حسابي

ما بعرف ليش؟

من الأشعار الجميلة التي سيذكرها التاريخ المهجري ستكون، وبدون أدنى شك، هذه القصيدة العصامية، وخاصة البيت الأخير فيها:
**
يا حنّه.. بقلّك الأحلام شابو

وحنانك بالوحي دقّيت بابُو

ما بعرف ليش عن حبّي تخلّى

وسؤالو بالوفا آخد جوابو

خيالي جوانحو بالجو علّا

بوقت الطرح ما بيضرب حسابو

الوحي بمواقفي بقلّك تحلّى

بعد ما كان عم يقبر شبابو

زمام الأمر تفكيري تولّى

وعليكي بالوهم كاتب كتابو

عرفي أشعار ما بنظم حيالله

الحكي البيكون صادق مرحبابو

عليي بإصبعو التاريخ دلّى

ومن اللي قايلو زارك جيابو

عندي الأبجديه بعد ألله

ما بدّي بحرفها أوصف جمالك

إذا بيكون مش لابس تيابو

الاغتراب اللبناني في أستراليا يخسر الشاعر طانوس القزي

طانوس القزي، الشاعر الزجلي الملهم، الذي غنى مع فرق عديدة، وخاصة مع كبار الشعراء اللبنانيين الذين زاروا أستراليا، رحل منذ عدة أيام دون أن نعلم بوفاته.

خسارة كبيرة تضاف الى خسائرنا الأدبية المؤلمة، وها هو صديقه الشاعر عصام ملكي يرثيه بهذه الأبيات المفعمة بالحب، ليقول بلساننا جميعاً: الوداع يا طانوس، ومن كان مثلك لا يموت:

طانوس رحل لكن قبل ترمو

والروح قالت شوفتو انحرمو

مش بس إنو شاعر وموهوب

ما في حدا ما كان يحترمو

صوتو حلو وللإدعا منّو

ومنهم قلال اللي معو غنّو

بآخر سنينو كترت الأوجاع

الما عاد بدها تنقبر عنّو

عنّو بكل مناسبه يحكو

رفاقو.. وسكوتو كلهم يشكو

العيله ما نشّف دمعها وكمان

حروف الهجا لليوم عم يبكو

بقدّم تعازي لعيلتو ومَنّي

قادر تا عني سفّر العنه

مات الجسد معلوم بس الروح

راحت تكفّي العمر بالجنه

صديقك عصام ملكي

الى من يشتري الشعر

الصمت يعلو ووزن الشعر يختنق

واللحن قال الى المجهول انطلق

باب القصيد ببيت الشعر منفتح

ما لم يُبَعْ بسعر الفجل ينغلقُ

لا يسمو حرف له الآذان صاغية

ان لم تعظّم به الأقلام والورق

وكل مرتجل بالشعر يسكرنا

ان كان يُشمَلُ في مازاته العرقُ

من يشتري الشعر كي يختال أنبذه

دين السخافة والتدجيل يعتنق

يا قوم قولوا لمن ينتابه غضبٌ

هذا الكلام على إثنين ينطبق

**

YESTERDAY WILL NEVER COME

In the silent memory

Of the aging past

The remnants of

A crying tomorrow

What can I do

With my growing lust

How can I wipe my sorrow?

Today is a slum

And yesterday will never come

For the days of unity

I have written my flying notes

Let your shadow hang

In the bewilderness of my thoughts

Let the mountains of interest carry

The snow of purity

For my dreams will stay forever

And on the grey headed clouds

I shall walk to eternity

In the threads of a passing rainbow

I shall weave my return

To the human soil

Where the ice will boil

As my smiles grow into flowers

And within hours

In the sunshine of understanding

The spring of my life

Will bloom on and on.

YOU WILL BE MINE

The days are gone without a word

And all the rest you haven’t heard

A causal love don’t you design

In all the dreams you will be mine

The way I love is very good

I like to see it understood

Don’t let me hear the if and but

You are the one no matter what

A queen you are and I a king

The song of love we have to sing

Because you are the very smart

Don’t let me have a broken heart.

A CITY ACROSS THE NIGHT

For Mrs Mireille Saba Redford

On the launch of her book…

A glittering sun we call Mireille

About a sun, what can we tell

To us she is a wine and dine

The gold in her, will always shine

Her thoughts are born with flying wings

To reap the heart of many things

To her I wish a great success

She is a wonder, a wonder yes

Her book to us a song of songs

It shows the rights and shows the wrongs

In it we shall tomorrow find

A lengthy war and peace of mind

 

Poets we are and that we know

The magic words will overflow

We plough the  earth we walk the moon

A talking soil we will be soon

Mireille your book will always fly

I know it will don’t ask me why

The people will no doubt pursue

God bless the book and bless you too.

إلى روح أخي المرحوم رجا ملكي

عصام ملكي.. الشاعر الحساس يبكي أخاه رجا اليوم، بدمعة الأخ وبحرقة المشتاق لرؤيته، كونه غاب عن هذه الفانية في مقاطعة كوينزلاند، وعصام يسكن في ولاية نيو ساوث ويلز، فكيف له أن يحضن أخاه للمرة الأخيرة قبل أن يوارى الثرى، والمرض الفتاك "كورانا" قد منع الناس من التجول والاحتكاك، والتجمع كي لا تنتقل العدوى ويتفشى المرض. 

هو في بيته ولكن قلبه في كوينزلاند عند أخيه. 

هو لم يشارك بالجنازة ولكن دموعه الشعرية التي سكبها في هذه القصيدة أحدثت فيضاناً في القلوب، تخطى البعد والحدود. 

لقد أبكيتنا يا اخي عصام، فليرحم الله أخاك رجا وليسكنه الملكوت السماوي، ولك منا العزاء أنت وجميع أفراد العائلة.

أخوك شربل بعيني

**
عا ها السما سافرت يا خيي

لعند أمي ولعند بيي

وتخرسنو الإخوات وولادك

وتشلوطو من الدمع عينيي

ومش بس مرتك قلبها مقطوع

من بعيد صار صريخها مسموع

وما ضل عندا دمع بالعينين

من الناس صارت تستعير دموع

بيني وما بين الموت في هدنه

وقت الرحيل بملتقى وعدني

عا كوينزلاند رحت وغيابك طال

وما كان بدي تروح من سيدني

ما في حدا بها الكون ما بيموت

وما في حدا بوداع مش ممقوت

جانا مرض بالبيت مزروبين

وصعبه علينا نشوفك بتابوت

لويزا بيار سكر

عندما علم الشاعر عصام ملكي بنجاح "لويزا" ابنة صديقه بيار سكر ترك لموهبته الشعرية العنان، ليكون الشعر على مستوى نجاحها الباهر كمحامية تفتخر بها الجالية، فكانت لنا هذه القصيدة، مع الف مبروك للويزا وأهلها وجاليتها وبشري منبت أرزنا المقدس:

لويزا ولا مره بتكسر القانون

جبلة ذكا وكلامها موزون

وأمها بشرعي زينة الامّات

الإمّات هيكي تكون أو ما تكون

وما في حدا من بيّها تنكّر

ليي ولغيري بينسما دعمه

بيار اعرفو مش ملح هو سكر

ومنّو حدا الما بيعرف الطعمه

لويزا بجهد عملت محاميّه

وقالت تا غيري كون ما فيي

افتخرو أبوها وأمها فيها

وقالت بشرّي بقلبها هيي

مش بس إنّو جوّها عمران

عليي القمر بيقلها تمرّي

من ضيعة المنها طلع جبران

جنّه وبيقولو إسمها بشرّي

حظي عا ايد الزمن