بنات البن

لا تساليني لوين متقلع
بالشعر بيتي مقاطع المطلع
ماشي عا دعسة يمكن وتخمين
وحالي لبست من دون الله يعين
وطالع عا بالي حضرتي اقلع

رابط مصيري والفكر سارح
ولا بنعرف جامع ولا طارح
ووقت اللي شفت الخمر صار موَّي
جربت روح على عبكرا شوَّي
طِلْعِت بوجهي خلقة مبارح

حقي معي ان جيت اتخلق
لا مزَّوج ولا بدمتي مطلَّق
اول مبارح كان عين وزين
وهلق انا ضايع بهون ووين
ويمكن عبكرا موت من هلق

صفي حسابك بالهوى صفَّي
وكلما عا بالي تطلعي تحفِّي
عذرو معو هلي بحلاكي جَّن
تخمين انتي من بنات البَّن
وبيشربوكي الناس بالشفه