يا ضايعه بعجقة حواليي
من كل حالي نفضت ايديي
بدرب الوحي عم يعرج التفكير
وقاعد عا سحبة قلة التدبير
وساعة خلاصي واقفه عليي
لعندي بتجي الاخات يوميه
ومغيره فصول الطبيعيه
اسمي ما بعرف بالدني شو كان
الهمه ضعيفه والوضع تعبان
وتا اطلع على البال ما فيي
عمري بسكره ضيع سنينو
ومنها بعيده يحترق دينو
وعا سيرة الاشكال والالوان
عندي بحضن الذاكره انسان
بضرب الرمل ما بينعرف مينو
همومي عا غفله مبارحه جوني
واليوم مش عم ينعرف لوني
محتار شو بعمل بقلب الكون
هونيك بدو يشيلني من هون
وهوني ما بدو روح من هوني
0 comments:
إرسال تعليق