يا صاحب «نهار الوطن» راسي حني
وقت اللي قالو رحت عا تاني دني
اللي بيعرفو الله دخيلو بيعرفوك
العملو الك لجنه تا حتى يكرَّموك
نسيو ما قالو «مين هنِّي» بها الدني
تا نقشعك عن قرب ما طَّل الامل
ومن حيث معنا الحظ ما بعمرو اكتمل
مفروض انو نضرب لذكرك سلام
ومفروض انو يندعو صحاب القلام
وقيمه الك فوق المنابر تنعمل
«غسان» متلك بعد ما شاف الورق
حرف الهجا عا باب تفكيرك طرق
نحنا بعصر الما الو دين ويقين
من زمان كانو يكرَّمو بالاربعين
وكفتا بهاك الوقت عا الماشي مرق
اسمحلي تا قلك والحقيقه مطرقه
يا رايح من «الهون» عا دنيا البقا
متلك ما عنا انت رب المعجزات
وليله متل ليله ما عنا بالحياة
ونهار متل نهار مش رح يلتقى
0 comments:
إرسال تعليق