لا مزوّج ولا مطلـّق

هلي قريبه كتير وبعيده

قالت: ما فيها تعيّد بعيدي
كل شي وخيالي بجوّها معلـّق
ما بصافحو الا بقفا إيدي

وما بين لا مزوّج ولا مطلـّق
آخر انا وعا الآخ تنهيده
وكلما عا بيت الشعر اتخلق
بكسر عا راس الحرف قرميده

بنومي انا وعم غط بتقلق
وكل يوم عندي مشكله جديده
قدّيش بدّي ضل إتملـّق
وغصّ بدخيلك ايش بتريدي؟

يمكن نهاية هالدني هلـّق
وعم تنمحي صفحة مواعيدي
لساني بكلمة مرحبا علـّق
وقلـّي زماني: بخاطرك سيدي

ولمـّا قزم "شو بدّها"؟ تعملق
وتمشور الدمع بتجاعيدي
خلفي الدني قلتلها مشملق
بالحب كنو رح تضلي هيك
عالذاكره المشوار لا تعيدي