شروقي
عصفت رياح الشقا وكبو الغيوم جرار
والعدل قالو البشر ما بيعرفو مينو
ضايع بصرخة دني وما في الو دبّار
وبالجو صدرو نفخ كاسر قوانينو
والعدل قالو البشر ما بيعرفو مينو
ضايع بصرخة دني وما في الو دبّار
وبالجو صدرو نفخ كاسر قوانينو
لا الخي بعدو وفي ولا الجار بعدو جار
وبكيّر صار الحسد يفتح دكاكينو
وصارت ظروف السكت تسعل بحص وحجار
واصفّر وجه الحكي ونشفت شرايينو
وبكيّر صار الحسد يفتح دكاكينو
وصارت ظروف السكت تسعل بحص وحجار
واصفّر وجه الحكي ونشفت شرايينو
لبنان موتو اجا ببشارة البشار
بيغلي تياب المدى تا تكمش سنينو
ومات الكيان الحلو عا ذمة الاخبار
وما عاد شم الهوا ريحة عناوينو
بيغلي تياب المدى تا تكمش سنينو
ومات الكيان الحلو عا ذمة الاخبار
وما عاد شم الهوا ريحة عناوينو
قالو ضياع الوقت جايب معو اعذار
وقالو ربيع الامل زهّرت بساتينو
بتم العراوي اجا يحط الجمال زرار
تا تصير تفقس عطر يعجب محبينو
وقالو ربيع الامل زهّرت بساتينو
بتم العراوي اجا يحط الجمال زرار
تا تصير تفقس عطر يعجب محبينو
وعا الضيم قالو اصبرو عزم الفساد انهار
ومش عم يقولو لنا الاجحاد مندينو
بالعتم حبله الدني ومش رح تجيب نهار
يضحك بعبو وطن عم يحترق دينو
