عني عذابي بالضغط ما حل
وطالع معي ضغط السكت عالي
لحالي بحالي ما بقا لي محل
طالع عا بالي فل من حالي
حلّ المشاكل بالوعد موصول
وناطر عبكرا يوصلو ليي
وبكرا بحالو ملبك ومشغول
يمكن ما يقدر يمرق عليّي
غنيّت ليّي من المعنـىّ بيت
ومن بعد كم أوف، عرفت إنو
تفجّم صدى صوتي بحيط البيت
وصارو القوافي يفزعو منو
وما قدرت أكتب للدني شو صار
كلّ الحروف بدمعتي تشو
وعا فراش صمتي تشلقحو الأفكار
الكانو عا درب البال يتمشو
ولما عرفت رايح عا مدري لوين
قلي ضميري: برحمة شبابي
جرّب صرفلك عالوقت قرشين
لقيت الطفر مستأجر جيابي
