بتحكي شعر والسكت مش مقبول
المنبر عا شكلك ما عرف أبطال
يمكن إلك حرف الهجا معمول
متلك ما في انسان جال وصال
ومعلوم منّو عالمك مجهول
بقلّك أنا وهيدا حكي يوصال
للجاهلينك يا ظريف الطول
رب الشعر عنك زمانك قال
عا كل منبر كنت إلنا تقول
للأبجديه بضل عم وخال
وعن كل كلمه بقولها مسؤول
شعرك يا هاشم كان عال العال
تا يزورك النسيان مش معقول
بقول بلساني وبلسان الحال
متلك ما شاف الشعر بزمانات
يا صديق الكل يا زغلول
