يا جورج هاشم ربّنا جابك
عا الارض حتى تشوف أحبابك
بالفهم صرّو منك زواويد
وكترو اللي حبّو يلبسو تيابك
بعض الكتب ما بتنحمل بالايد
وبدهم عليها تقلب جيابك
وبيوت شعر وما لها قرميد
وما بتنضف بصابونة ركابك
من زمان قلت وكلمتي عم عيد
وكان الحكي طوفان بغيابك
انّو البلاغه للمطالع عيد
وكنت بأنا عم اضرب حسابك
هديتك كتاب المجتمع بيفيد
بقلبو سؤال بينطر جوابك
يا ابن عيله يا صديق جديد
من كتر منّي بكلمتك مغروم
رح أكتب كتابي على كتابك
