الصفحات

ننشر في هذا الموقع أشعار الشاعر الكبير عصام ملكي

ماشي معك


إنتي يا هلي بالقلب كنتي
خبزتي مصيري قبل ما عجنتي
دروبك لانو غنت مسامير
لحالي قلت: منها السنه سنتي

هرو جناحي بقلة التدبير
وانتي عا هر الريش ما حزنتي
وقال المعنى: تقبر التعتير
مين اللي قال مزوجك بنتي؟

زغرو الاماني وصار همي كبير
وإنتي مع البيلين ما لنتي
ولما خيالي طلق التفكير
كل القصايد سافرو من البال
وما ضلّ الا ملحمة إنتي

يا مقاطعه الصدفه العليها بمون
حلك بقا عالعاشق تحني
بحلف لكي الا لكي ما بكون
قوانين لا تسني لكبر سني

جنيت فيكي والجنون فنون
وانتي ما بدك بالهوى تجني
عا كل شده عم تحطي سكون
وعا كل مدة إيد بتعني

ماشي معك عالعود والقانون
واني شريف بتعرفي اني
سلام الايادي عاملو قانون
ومش باعت لعندك نظر جوعان
الا وعا كتفو مرحبا مني.

0 comments:

إرسال تعليق