الصفحات

ننشر في هذا الموقع أشعار الشاعر الكبير عصام ملكي

قدّيش بسوى؟

عم نق هلق ما بقا مني
 الا خمس كمشات هو هني
عوعد مصيري ويبس التفكير
حلك شريعة حبك تسني

صاير عا ذوقو العقل عم بيطير
وتفسد الآخ بكبر سني
ولما بصفوفي علم التقصير
حب بغبار الارض يعجني

شعر العا راسي كان عابي كتير
ودع شلولو وبقيت الحنه
قلت لضميري: طلعلك بتقرير
قديش بسوى اليوم تمنّي

وللحلم قلت: بيلزم التفسير
روح وتعا وبالخير طمني
بدل العرق عم إشرب سواكير
طالع عا بالي جن جنني

وبالرغم انو تحوزق التعبير
ما بيلتقى فيي ولا انه
عم ضل صوبك إفقع مشاوير
مخلص وفي وحق السما والارض
يا ريت فيكي تعرفي اني.

0 comments:

إرسال تعليق