الصفحات

ننشر في هذا الموقع أشعار الشاعر الكبير عصام ملكي

يا ابجديه

يا أبجديه لازم تعنّي
المطران راح ودمعنا بنّي
عنّا جرايد برغش وبوفاس
وهللي ما كتبو كلام متل الناس
هني تلاته وللشلح هنّي

مش بالقصر إنسان وبطولو
هللي ربيع بتنسمى فصولو
واحد معجرف منغرم بالذات
وصاحب جريده بو خمس كلمات
وواحد إبن شوفار تاكسي مات
وحطوه بالصندوق بيقولو

ويا مطالعين الشعر يا إخوان
لا تسمعو لفلان وفليتان
نحنا تمن اتعابنا دفعنا
انما وقفتو كلكم معنا
منقول: حلّو عن ضهر لبنان

منو الكذب يا ناس عندي مليح
عنا بسيدني عدة تماسيح
وعنا جرايد فعلهم مفعول
مش بس وحدي المشتري بيقول
عن إشتريهم بس للتمسيح

الغربه ما بدها من حدا كفاله
عطيت "بشربل" للدني رساله
وجرايد الحلوه خبرها انذاع
بسوق البذاري "نهار" ما بتنباع
وصوت "الهيرالد" وقدرها عالي

رب الخلقنا كلنا عبدنا
ووزن الشعر عابد قصايدنا
بولس صليبا مش حدا منّو
مطران مات وما انحكى عنّو
ببعض الجرايد متل ما بدنا

0 comments:

إرسال تعليق