الصفحات

ننشر في هذا الموقع أشعار الشاعر الكبير عصام ملكي

وداع امي

امي ما فيكي تطلعي منّا
منبقى بوجهك وين ما كنّا
مش ممكن تموتي يا ام وبي
بالفكر رح يبقى خيالك حي
وروحك ما فيها تروح من عنّا

يا عين شنّي بالبكي غاره
وخلي الدمع للرمش اسواره
ساره الزغيره بآخر الستين
راحت وبكيت دم بشمزين
واليوم راحت أمنا ساره

لساني برقبة كلمتي معلّق
وحرف الهجا عا القافيه تخلّق
اوقات عم يطلع حديثي صراخ
الجمعه نقلنا من الفرح عا الآخ
وامي عا ركوود ناقله هلق

وانتو يا هلّي بعدّكم اخوان
وواحد منبقى باغلب الاحيان
بلسان نحنا حضوركم ممنون
انشلله فدا عنكم وعنا تكون
وايامكم تبقى بلا احزان

وانتو اللي معكم اكبر مهمّه
تا تدفنوها وكلكم همّه
شوقي لأمي ما قدرت اخفيه
صدري احفرو وحطّو جسدها فيه
لا تطمرولي بالارض امي

0 comments:

إرسال تعليق