الصفحات

ننشر في هذا الموقع أشعار الشاعر الكبير عصام ملكي

غضب

ضابب عذابي ومش عم بصارح
والهم عندي بينسمى جارح
وهلق يا بنت الناس عا فكره
دخلك شو بقدر اعمل ببكرا
ان كان بدو يطلع مبارح

تا اوصفك بالشعر بتعذّب
خيالي وعدني وبالوعد كذّب
حروف الهجا عن جدّ علقانين
وعا بعضهم عم يسحبو سكاكين
وما في وَمَا عم يطلع مهذب

حظي فقير ولحقتو مجاعه
واخ الوحيده صارت جماعه
يا تقبري عيوني يا زهر الفلّ
جرّبت تا صوبك دقيقه طلّ
طلعت الدعسه ناقصه ساعه

حقي اذا عا الكون بتخلّق
صفّيت لا مزوج ولا مطلّق
عندي مشاكل من سنه وشهرين
وعندي مشاكل صرلهم يومين
وعندي مشاكل بلّشو هلّق

0 comments:

إرسال تعليق