الصفحات

ننشر في هذا الموقع أشعار الشاعر الكبير عصام ملكي

قبل عيد الامهات

صرتي يا امي بالثريا وبالثرى
وصارت عيون الودّعوكي مجمّره
شاء القدر تا تكون ها العام الوفاة
بالرغم انك ما فقدتي المقدره

وقت القلت للاهل ودعتي الحياة
ما صدّقو قالو تا قول مسافره
كلّو لأنّو كان فيكي مواصفات 
تقدر تقلك يا قمر من مشغره

ولما بوجهك سكّرو الاربع جهات
صار الوضع يلبس طقوس مغيّره
وحط الوما بصابيع ديكي مؤلفات
وقال السكت للناس شو صار وجرى

حبك لنا ما كان الا حب ذات
وكنتي بريدك عا القلوب مسوكره
وياما لصرخة آخ عرتي التفات
وبصماتك على الخير كانت تنقرا

بقلك يا امي الجبلتك سكر نبات
رحتي وما فينا نرجّعك فشخه لورا
وهلق عا نص الدرب عيد الامهات
بايّار بكرا بعد كم جمعة زمان
باقة زهر باخدلك على المقبره

0 comments:

إرسال تعليق