الصفحات

ننشر في هذا الموقع أشعار الشاعر الكبير عصام ملكي

الهم وولادو

يا ست حوا منك عذابي
عمرين صرلي قابر شبابي
عني تا حتى يبعدو الآخات
ومنشان ما شوفك على الطرقات
بدي عيوني حط بجيابي

سوق الغرام جنيت ارباحو
وصار الصبر عم يشلح سلاحو
هلي جنيتو من الهوى كافي
طالع عا بالي اقلب شفافي
من البوس حتى شوي يرتاحو

من كتر ما عم يتعبو قلامي
بايدي صرت عم اضرب سلامي
متل الصنم بالبيت ما تحركت
وما في وما عم يقعد على السكت
تا يمنعو يوقف على كلامي

صاير عذابي ما الو تاني
صيني الوجع والآخ لبناني
مش بس حابب سفّر الوسواس
بدي نهار يكون متل الناس
تا لبّسو طقم البلخزانه

0 comments:

إرسال تعليق