يا روبير البعرفك شهم ورزين
عمر الصداقه البيننا كومة سنين
تاريخك بلا شك عن سيرك حكي
مش بس هون عليك بيدور البكي
ببيت المعنى والقصيد "وبترومين"
منك بروض الفهم بيفوح العبير
وكل العيون عليك عم تدلف كتير
من عيلتك أمي العليها صلبو
وكمان بيت منصور ستي بيقربو
ونسخه عن "المرحوم" عم شوف "بسمير"
ما قدرت شق عليك من أربع شهور
بحكم القدر ما تسهلت عندي الأمور
"صهرك سمير" بدمعتو بيقول مات
وما ضل عندن دمع مرتك والبنات
ودموع بدهن يستعيرو من الحضور
ألله معك منقول نحنا أجمعين
ومنطلب الرحمه بعيون مدمعين
مش بس جينا لهون حتى نودعك
سلامات بدنا كلنا نبعت معك
مطرح ما رايح انت عنا قرابين
عليك البكي طوفان بحلفلك يمين
دعساتك بدرب الحياة معلمين
بقدم تعازي لعيلتك يا صاحبي
ومع اخوتك بالشعر بعمل واجبي
وبلسانهم بشكر جميع الحاضرين
0 comments:
إرسال تعليق