ـ1ـ
شاعر قدير بيشهدو سنينو
عا روسنا هوّي وفلسطينو
جبلة لطافه وعاطفه وإحساس
بهالمقطعين بتعرفو مينو
ـ2ـ
يوسف إذا بيخرطش قلامو
سكّر بيكون عْلى الورق أصناف
يللي بخيالو مدهّب كْلامو
عا كل منبر حقّق الأهداف
ـ3ـ
نوع المحبّه اليوم علّمنا
صادق لأنّو مثقّف وشاطر
نحنا إلو عا الطاير ختمنا
صلّى إلي تا إجبر الخاطر
**
شروقي
شروقي
إستاذ يوسف إلك عم وجّه التقدير
حدّك رجال الفكر صاروا خبر كانو
إسمك بجوّ الوحي بلا جوانحو بيطير
أشكال عاطي الشعر مع كل ألوانو
شكري لكلامك اذا بتقّبنو قناطير
ومنشان بيت الشعر ما تضيع أوزانو
والحرف يعطي صور مع أصدق التعبير
لسحبة خيالي انعزم تا يجلّخ سنانو
عصام ملكي إلك بيقول: ألله كبير
عا لوح صدرو كتب بالآخ عنوانو
من بعد كومة صلا قديس بدو يصير
بلسان حال الدني بيقول ولسانو
فلسطين بعمل لها مشاوير بالتفكير
وجوّات قلبي الصلا بيضوي شمعدانو
و"ناصر" زمانك إنت شاعر عظيم كتير
تلميذ "ملكي" إلك مع "حاتم" زمانو
**
