حناني بدمعة عيوني تألف
وقبل من نار لشفافك مولف
صباحي بالدني صرتي ومسايي
ونصيب الملتقى بوعدك مغلف
كبر همي متل ابن الحكايه
وتا حظي يقوم بالواجب تخلف
وما بقدر عيش ايامي بلايي
وجودي كتير عا وجودي تكلف
تا عكزّ ما قدرت لاقي عصايه
حياتي زحف والمشكل مسلف
وكفوفي ما التقو بساعة قرايي
وعذابي بلا استقامه تنين خلف
غريبه كتير لغة مستوايي
وما جاني من السما مترجم محلف
وزماني طلق عيون العنايه
ومن الضربات تكفيري تجلف
انا ورقة خريف بظرف جايي
وتا حتى اوصل لعندك مكلف
بعدما تطالعيني بالنهايه
عا صدرك علقيني ربع ساعه
قبل ما ترجعيني عا المغلف
0 comments:
إرسال تعليق