لبناننا بنوار اطروحه
وقوس القدح للعطر مرجوحه
والسحر عندو محل بالاعراب
وضيعتي منها حجر وتراب
كمشة سما عا الارض مشلوحه
هونيك تارك غبرة شبابي
ببيت العتابو بعين منصابه
الحيطان هرّو بالعرض والطول
وكلما حجر يوقع بيصير يقول
رايح تا حتى شوف اصحابي
من شلحة عيوني عرفت اني
رح اقشع بقلبو الف انه
ريح الشمالي فرم الشباك
والباب لما منسألو شو باك
بيقول راح الزنبرك مني
بيتي لانو كترت جروحو
حسيت انو طالعه روحو
من هيك لما طاف دمع العين
دقيت بابو وقلت قلي منين
دخلك عا بيت الشعر بيروحو
0 comments:
إرسال تعليق