يا تقبريني العز بالوقفه
وكلما بيجي عم تلحقو زقفه
اعطيني عرق لا تشلـّـحيني الكاس
تا يصير فيي اهرب من الناس
من نص وجهي واقعه شقفه
عطيتك من الالهام غنـِّـيه
وبالحب خدتي صفر عا ميه
من وين جبتي لغتك من وين
زعلان منك والزعل كيلين
وجيتي بعذر ما بيطلع وقيه
ختير ما عاود ينعرف كوني
وشاف الخريف مساطرو بلوني
خايف صراخي يطلع من جديد
وخايف لا قلبي يفلت من الايد
وخايف عبكرا ما يجي لهوني
من تراب بيي والارض امي
وعا ها الكلام بتشهد الامه
وباختصار بقول يا الهام
عليكي ما بدِّي كنت ارمي سلام
وقعت صباح الخير من تمّي
0 comments:
إرسال تعليق