اليوم الشعر ما انقام قدّاسو
بوجهي طلع دخان افلاسو
وفوق الورق بتمَيدن الاقلام
وما في حرف عم يعرف قياسو
الجو الخيالي ناقصو صمّام
وما في ظرف عم ينشرب كاسو
عا الأرض صاير هيكل الالهام
وكل الحلا رايح من أساسو
سهران وحدي والورا قدام
وما استفتح التفكير بحماسو
وعسكر وحي بيمرق بدون سلام
وطفل الحكي ما بيّنو ضراسو
راح الفرح عا حالة استسلام
وجاب الوهم عا القلب وسواسو
ان طعميت حالي كف ما بنلام
حقوقي ما لازم هيك ينداسو
ساعة زمن نمت بخمس ايام
صار النعس مقطوع أنفاسو
وكيف بدو بالحياة ينام
العا باب قلبو صورتك بتضل
وهم البراسو من تحت راسو
0 comments:
إرسال تعليق