قالت الي بالمشهد الحامي
لعبة قمار الحب "يا سامي"
اعطيني شي سبعه تكون ذو القرنين
تفسِّر عا ارض الواقع بنامي
خْلَطْت اللقا وقلتلها دورين
لا تحسّبي السبعات منقامه
ان ما اجت سبعه بعين وزين
عا النص فيكي تقدري تنامي
حُبِّي عباده والصلا بالدين
وعا بياض ماضيلك بابهامي
مش عارفي انو الدني يومين
وتنينهم عا الارض قدّامي
انتي قصيده قايمه بوزنين
طارش عليها دموع الهامي
وكلما عا جسمك اشلح العينين
فوق الورق بيميدنو قلامي
لكن حضوري بكل هون ووين
ما بريد انو يكون الزامي
عند العشيه ساعتي بميتين
وعند الصبح يا تقبريني بكون
لبقوة انا عم عد ايامي
0 comments:
إرسال تعليق