يا هند ايام الشبوبيه
صرلي عمر عم قول وينيي
تا روح ليها ما معي عناوين
ضيعتها والدرب ممحيه
لما كنت عم حاشر العشرين
كان الفرح تربيح منيه
وعا ذكر هجرو قلت الله يعين
بلكي الدني بتصير مش هيي
جيت على سدني وقلت بشمزين
منها الي بدموع بنيه
ولما لحقني عا الدرب تشرين
صار الوجع بالراس كميه
التقصير ثبت موقفو من سنين
وليي ماعاود ينحسب ليي
وصارت الدعسه ناقصه تخمين
بمشي عا مهلي بين هون وهون
لكن تا حتى فز ما فيي.
0 comments:
إرسال تعليق