لكومة همومي الشفتهم جلبه
ما لقيت ايجابي ولا سلبي
غب عْلَى قلبي والغضب نصحان
وقاعد انا والكاس والحيطان
بقلة حيا ومكتّر الغلبه
ما في وضع يستاهل الزقفه
وقفت وما شفت العز بالوقفه
ما قدرت اني كون فحل الوز
ما في وزن بالفكر عم ينهز
والقافيه صارت فرد شقفه
ما قدرت حقق بالشعر حلمي
ومنّي حدا صفّيت عا علمي
ولما الضمير الحي دق جراس
وقال الصمت عن جد كبر راس
اجتمعو الحروف وطلّعو كلمه
ومنشان افتح باب عا كوني
ويمرق عا وزن وقافيه لوني
طلبت الوحي تا يصرِّف الاعمال
ولما عا راسي شرَّف الموّال
قلت لسكوتي روح من هوني.
0 comments:
إرسال تعليق