سكران كنت ببيت هيلانه
وفوق الجسد عم دحرج لساني
وعا نزل شلتو بدون كلفه مرقت
وعبيت عرقاتو بفراغ الوقت
لما عرفت ما عندها قناني
وقلتلها من بين ايديي
بزعل اذا بيزمط حواليي
يومين بدي بالحياة ملاح
تا صير امشي عا الهوا وارتاح
شيلي الارض من تحت اجريي
لازم طريق وفاقنا نشقو
ونعجن تفاهم نقدر نرقو
عا ضهر كلمه بيركبو الأشعار
ومسمار بيهدي الدني مسمار
ان كان فينا نعرف ندقو
هَيْ ها السما القدّام عينينا
هلي عليها ناس ودينا
عندي ثقه وعا ذمة التقدير
منهم نجوم البسما "مْسامير"
من هيك مش عم توقع علينا
0 comments:
إرسال تعليق