يا شعر مش عم اوصل لموقع
يخليك مني سحر تتوقع
مش بس ايجابي عملني السلب
حرف الهجا صاير معو بالقلب
واوقات بالنقطه عم بيوقع
كل الوحي عا موقفي شفتر
والاهتمام بكلمتي تعتر
ما في نحو بيهزني ولا صرف
وما في حرف عم يركب على حرف
تا الابجديه نسلها يكتر
هم الدني عا حالتي تكوَّم
حظي فركها ومرفعي صوَّم
كيف بدي سجل أساطير
وقت البيكون ملولق التفكير
ما في كلام بيطلع مقوَّم
حظي برقبة صرختي معلق
ونام السكت عا كلام الملولق
مش عم بلاقي للحكي دبار
عا البال كلمه جبت بالايجار
تا كون قادر قولها هلق.
0 comments:
إرسال تعليق