الصفحات

ننشر في هذا الموقع أشعار الشاعر الكبير عصام ملكي

هربو الحروف

شروقي

بهند اتصلت وقلت ما بركلج مشاوير
لعندك لأنو الهوى كترت مطاليبو
ما ضلّ عندي نظر للشلح والتصدير
يوم النهايه الي سوكر مكاتيبو

مش بس اني الك عم احفظ التقدير
آخ اللي عايش معي بوجودك بسيبو
انتي بذاتي حلم ما بيلزمو تفسير
كلما عا ذاتي اجي التفسير ما بجيبو

بالرغم انو الزمن عنك طلب تقرير
وبالرغم اني الهدف بالشعر عم صيبو
رده ماطلعت معي من قلة التدبير
والوزن لما انعرض ما انهز تجريبو

طلق وراقي القلم والهم صار كبير
والارتجالي بدي يغيِّر اساليبو
وهربو حروف الهجا من خلقة التفكير
وما ضل الاحرف قاعد بحضن البال
عزمتو تا يمشي معي نفـَّـس دواليبو

0 comments:

إرسال تعليق