شروقي
جيبي الزمان وتعي يا ساكنه بالشام
ولو كان حصة اسد عندك بالمدينه
بلبنان فوق الورق بيمَيدنو الاقلام
وغمزة عيون الشعر يا رب نجيني
ريقي النشاف اعتنق رح جن يا الهام
شفافِك بتمي ادلقي من بعيد واسقيني
ما قدرت لاقي عرق عا الظرف يرمي سلام
ولاطي مصير القدح بخيال قنينه
بالحلم كنتي معي وكان الحكي بلا كلام
وصارت الشهوه حِمل لما غمرتيني
ولما عيوني فتحت ولقيت بصر بنام
قلت لخيال النـعـس عا العين لاقيني
وما زال شوقي لكي ماشي بدون فرام
دخلك عيار الشرح تا زيد خليني
صوبك ما بقدر اجي ما بينفشخ قدام
الصدفات مني استحو والشغل عاميني
وما في فراطة فرص والوعد مش بسّام
وما قدرت عملة وقت اصرف انا وفيني
تا تَوب ابعت لكي مطرّز بريش نعام
وقول الجميل البسي ريتو الف مبروك
ومليون مره الف ريتك تقبريني
0 comments:
إرسال تعليق